Esıl – Arqalyq uchaskesınıŋ temırjol ötkelınde traktor poiyzben soqtyǧysyp, jürgızuşı qaza tapty, dep habarlaidy "Adyrna" ūlttyq portaly.
Būl turaly «Qazaqstan temır joly» ūlttyq kompaniiasynyŋ baspasöz qyzmetı habarlady.
«2025 jylǧy 27 säuırde saǧat 08:55-te Esıl – Arqalyq uchaskesındegı retteletın temırjol ötkelınde jol-kölık oqiǧasy oryn aldy. Ötpelı signalizasiianyŋ dūrys jūmys ıstep tūrǧanyna qaramastan, traktor jürgızuşısı jol jüru erejesın öreskel būzyp, kele jatqan poiyzdyŋ aldyna şyǧyp ketken. Maşinist şūǧyl tejeu qoldanǧanymen, soqtyǧyspau mümkın bolmaǧan. Oqiǧa saldarynan traktor jürgızuşısı alǧan auyr jaraqatynan qaitys boldy», – delıngen jeksenbı künı taratylǧan habarlamada.
«Qazaqstan temır joly» kompaniiasy avtokölık jürgızuşılerıne temırjol ötkelderınen ötken kezde jol jüru erejelerın qataŋ saqtauǧa, ötkeldegı signalizasiia belgılerıne mūqiiat nazar audaruǧa jäne erejelerdı elemeudıŋ auyr zardaptarǧa äkeluı mümkın ekenın ūmytpauǧa şaqyrdy.
