Jetısu oblysy Kerbūlaq audanynda Köksu özenınen tros arqyly ötpek bolǧan er adam aǧysqa tüsıp, ız-tüssız joǧalǧan. Oqys oqiǧa 10 mamyrda bolǧan, dep habarlaidy «Adyrna» tılşısı.
«N. esımdı azamattyŋ joǧalu deregı boiynşa qylmystyq ıs qozǧaldy. Polisiia qyzmetkerlerı, äskeri qyzmetkerler, qūtqaruşylar, basqa da mekeme ökılderı men qarapaiym tūrǧyndardan qūralǧan top auqymdy ızdestıru şaralaryn ūiymdastyrdy. Izdestıru jūmystary jalǧasyp jatyr»,– dep tüsındırdı Jetısu oblystyq polisiiasy.
Oblystyq TJD mälımetınşe, joǧalǧan azamat 1989 jyly tuǧan. 11 mamyr künı taŋǧy 06:30-dan bastap TJD, orman şaruaşylyǧy, jergılıktı atqaruşy organdar, polisiia, äskeri polisiia jäne Qorǧanys ministrlıgınıŋ bölımşelerı qatysqan auqymdy ızdeu jūmystary ūiymdastyrylǧan. Barlyǧy 98 adam men 22 tehnika bırlıgı, sonyŋ ışınde jüzu qūraldary, drondar jäne sputniktık bailanys qūraldary jūmyldyrylǧan.
«Izdeu jūmystary Köksu özenınıŋ boiymen ūzyndyǧy 35 şaqyrymǧa deiıngı aumaqta 8 toppen jürgızıldı (oŋ jaǧalau boiymen 4 top, sol jaǧalau boiymen 4 top). 11 mamyrda keşkı 18:30-da qaraŋǧy tüsuıne bailanysty jūmystar uaqytşa toqtatyldy. Izdeu bügın, iaǧni 12 mamyr künı qaita jalǧasty»,– delıngen habarlamada.
<View this post on Instagram
