Resei prezidentı Vladimir Putin men Ukraina prezidentı Vladimir Zelenskii kezdesuı mümkın, dep habarlaidy "Adyrna" ūlttyq portaly DW-ǧa sıltep.
Bıraq būl kezdesu tek ekı eldıŋ ökılderı özara naqty kelısımderge kelgennen keiın ǧana ötedı. Būl turaly Resei prezidentınıŋ baspasöz hatşysy Dmitrii Peskov mälımdedı.
Peskovtyŋ aituynşa, Resei Ukrainaǧa atysty toqtatu üşın qandai şarttardy oryndau kerektıgı turaly ūsynystaryn daiyndap jatyr. Bıraq būl şarttar äzırge jariialanbaidy. Öitkenı kelıssözder jabyq türde ötuı kerek deidı ol.
2022 jyldan berı alǧaş ret Resei men Ukraina delegasiialary 2025 jyldyŋ 16 mamyr künı Türkiianyŋ Stambūl qalasynda tıkelei kezdestı. Kelıssöz şamamen bır jarym saǧatqa sozylǧan. Resei tarabyn Vladimir Medinskii, al Ukraina delegasiiasyn qorǧanys ministrı Rustem Umerov basqardy.
Kezdesude taraptar jaqyn künderı «1000-ǧa 1000» formulasy boiynşa tūtqyndar almasuǧa kelısken. Sonymen qatar, aldaǧy uaqytta Putin men Zelenskiidıŋ jeke kezdesuı de mümkın ekenı aityldy.
Bloomberg agenttıgınıŋ habarlauynşa, Resei kelıssöz barysynda Ukrainaǧa bırqatar talaptar qoiǧan. Talap boiynşa Ukraina Qyrym men Donesk, Lugansk, Herson jäne Zaporoje oblystarynan bas tartuy tiıs. Būl aimaqtardy halyqaralyq deŋgeide Reseige tiesılı dep moiyndauy kerek. Al Ukraina beitarap el boluy kerek, iaǧni öz aumaǧynda şetel äskerın jäne jappai qyryp-joiatyn qaru ūstauǧa bolmaidy. Resei tarapynyŋ talabyna säikes, Ukraina Reseiden ötemaqy talap etuınen bas tartuy qajet.
Alaida ukrain delegasiiasy būl talaptardy şyndyqqa janaspaidy jäne kelıssözge kedergı keltıredı dep esepteidı.
