AQŞ-tyŋ Ukrainadaǧy būrynǧy elşısı Bridjit Brink öz erkımen qyzmetınen ketuınıŋ sebebın Tramp äkımşılıgınıŋ Reseige jaqtas saiasatymen bailanystyrdy, dep habarlaidy "Adyrna" ūlttyq portaly.
Būl turaly ol Detroit Free Press basylymyna jazǧan maqalasynda mälımdedı.
«Ökınışke qarai, Tramp äkımşılıgınıŋ saiasaty bastan-aq jäbırlenuşıge — Ukrainaǧa qysym jasauǧa baǧyttaldy, al agressor — Reseige emes. Mūndai jaǧdaida ükımet saiasatyn ar-ūjdanmen jürgıze almaitynymdy tüsındım, sondyqtan qyzmetten ketu — menıŋ azamattyq boryşym boldy», — dedı diplomat.
Brink sonymen qatar, Reseidıŋ Ukrainadaǧy äreketterın "taza jauyzdyq" dep atap, AQŞ būl soǧysty qalai jürgızse, soǧan qarap odaqtastary men qarsylastary eldıŋ ūstanymyn baǧalaitynyn jetkızdı.
Brink öz maqalasynda beibıtşılıkke tek baǧynu arqyly qol jetkızu äreketın synǧa aldy. Ol mūndai «ymyraşyldyq» saiasattyŋ 1930 jyldary Fransiia men Ūlybritaniianyŋ nasistık Germaniiaǧa jasaǧan jeŋıldıkterımen parallel keletının atap öttı. «Beibıtşılık üşın bärıne könu — būl qauıpsızdık emes. Būl – jaŋa soǧystar men qasıretke jol», — dedı ol.
Bridjit Brink diplomatiialyq qyzmette 30 jylǧa juyq eŋbek etken. Ol būǧan deiın Slovakiia, Özbekstan jäne Gruziiada qyzmet atqaryp, Şyǧys Europa men Kavkaz öŋırlerı boiynşa maman retınde tanylǧan. 2022 jyly köktemde Ukrainadaǧy elşılıkke taǧaiyndalǧan ol äskeri kömek körsetuge belsendı qoldau bıldırıp kelgen.
AQŞ-tyŋ Qazaqstandaǧy elşısı bolǧan Deniel Rozenblium de 2025 jylǧy 20 qaŋtarda öz qyzmetın aiaqtap, AQŞ Memlekettık departamentındegı 28 jylǧa juyq mansabyn tämamdaǧan bolatyn. Däl osy künı Donald Tramp ömırınde ekınşı ret AQŞ prezidentı qyzmetıne kırısken.
Ūqsas jaŋalyqtar
