Qyzylordada AN-2 ūşaǧy erıksız dalaǧa qonuǧa mäjbür boldy

Qyzylorda oblysynda AN-2 ūşaǧy dalaǧa  qonuǧa mäjbür boldy, dep habarlaidy “Adyrna” ūlttyq portaly. Būl turaly Tötenşe jaǧdailar ministrlıgınıŋ baspasöz qyzmetı mälımdedı. «Keşe TJM-nıŋ kezekşı bölımıne Qyzylorda oblysynda “Taŋ-Qūmköl” baǧytyna bet alǧan AN-2 ūşaǧy mäjbürlı türde dalaǧa qonǧany turaly habarlama kelıp tüstı», – delıngen habarlamada. Mälımetterge säikes, ūşaq bortynda üş adam bolǧan. Ekipajben bailanys üzılgen, olardyŋ qaida ekenı belgısız bolǧan. TJM barlyq küş pen qūraldardy dereu jūmyldyrdy, ızdestıru jūmystaryna QR TJM «Qazaviaqūtqaru» AQ tıkūşaǧy da qosylǧan. «Segız saǧatqa sozylǧan qarqyndy ızdestıru jūmystarynyŋ nätijesınde, tünnıŋ ortasynda, joǧalǧandar dalada tabyldy. Ekipaj Qyzylorda oblysy, Syrdariia audanyna qarasty Tereŋözek kentıne evakuasiialandy. Abyroi bolǧanda, olar medisinalyq kömekke mūqtaj bolmady», – delıngen habarlamada.