Qazaqstanda auyldyq jerlerdegı balalar men jasöspırımderdıŋ sportqa qoljetımdılıgın arttyru, būqaralyq sportty damytu jäne salauatty ömır saltyn nasihattau baǧytynda taǧy bır maŋyzdy qadam jasaldy. 2024 jyly bastalǧan AUYLSPORT jobasynyŋ aiasynda Halyk qaiyrymdylyq qory men elımızdıŋ basketbol jäne voleibol federasiialary arasynda özara yntymaqtastyq turaly memorandumǧa qol qoiyldy.
Sport – auyl bolaşaǧynyŋ tıregı
Timur jäne Dinara Qūlybaevtar negızın qalaǧan Halyk qory auyldardaǧy äleumettık jäne infraqūrylymdyq mäselelerdı şeşuge baǧyttalǧan bastamalardy qoldap keledı. Sonyŋ jarqyn mysaly – AUYLSPORT jobasy.
Yntymaqtastyq aiasynda taraptar kelesı baǧyttarda jūmys jürgızudı josparlap otyr:
- auyl jastary üşın qoljetımdı sporttyq seksiialar aşu;
- jattyqtyruşylardy qaita daiarlau jäne käsıbi bılıktılıgın arttyru;
- töreşıler korpusyn jasaqtau;
- öŋırlık, respublikalyq jäne halyqaralyq jarystar ötkızu;
- sport qūral-jabdyqtarymen qamtamasyz etu.
Qūjatqa Halyk qorynyŋ atqaruşy direktory Ǧalymbek Jaqsylyqov, QR Ūlttyq basketbol federasiiasynyŋ bas hatşysy Jūldyz Baidusenova, sondai-aq Qazaqstan voleibol federasiiasynyŋ vise-prezidentı Ermek Syrlybaev qol qoidy.
2024 jyly ıske qosylǧan joba auyldyq öŋırlerde ülken qoldauǧa ie boldy. Qysqa uaqyt ışınde AUYLSPORT aiasynda barlyq öŋırde on myŋnan asa bala türlı sport türımen jüielı türde ainalysa bastady.
Jobanyŋ nätijelılıgın däleldeitın basty oqiǧalardyŋ bırı – Serbiiada ötken halyqaralyq Gimnaziada. Būl dodada el namysyn qorǧaǧan 22 sportşynyŋ 12-sı – däl osy joba aiasynda daiyndalǧan jastar. Olar öz önerlerımen Qazaqstannyŋ abyroiyn asqaqtatyp, AUYLSPORT bastamasynyŋ ömırşeŋdıgın körsettı.
Qazaqstannyŋ basketbol jäne voleibol federasiialary – elımızdegı jetekşı sport ūiymdary. Olardyŋ AUYLSPORT jobasyna qosyluy auyl sportyn jaŋa deŋgeige köteredı. Būl yntymaqtastyq täjıribelı jattyqtyruşylar men ädıstemelık qoldauǧa jol aşyp, auyl balalary üşın ülken mümkındıkter ūsynady.
Halyk qorynyŋ atqaruşy direktory Ǧalymbek Jaqsylyqov öz sözınde:
«Bügın basketbol jäne voleibol federasiialarymen jasalǧan memorandum – AUYLSPORT jobasynyŋ damuyna tyŋ serpın beretınıne senemız. Būl serıktestık auyldyq jerlerdegı sport infraqūrylymyn nyǧaityp, jas sportşylardyŋ damuyna keŋ jol aşady. Ärı olardyŋ salauatty ömır saltyn ūstanuyna septıgın tigızedı», – dep atap öttı.
Būl memorandum – auyl jastaryna jaŋa mümkındıkter ūsynatyn, būqaralyq sportty damytatyn jäne qaiyrymdylyq mädenietın ılgerıletetın maŋyzdy strategiialyq qadam. Taraptar aldaǧy uaqytta yntymaqtastyqty odan ärı tereŋdetıp, elımızdıŋ barlyq öŋırlerınde auyl sportynyŋ qoljetımdılıgın arttyru üşın jüielı jūmystar jürgızuge niettı ekenderın jetkızdı.
Eske salaiyq, AUYL SPORT jobasy 2024 jyly oblystyq deŋgeidegı turnirlerden bastau aldy. Oǧan 200 auyldan 12 myŋnan astam bala men jasöspırım qatysyp, sportqa degen qyzyǧuşylyqtaryn tanytty. Basketbol men voleibol – joba aiasynda qamtylǧan alty sport türınıŋ ışınde. Jobanyŋ respublikalyq turnirınıŋ finaly elımızdıŋ 17 oblysynan 1300-den astam jas sportşyny bır alaŋda toǧystyryp, auyl sportyn jaŋa deŋgeige köterdı.
Halyk qaiyrymdylyq qory – elımızdıŋ tükpır-tükpırındegı mūqtaj jandardy qoldauǧa jäne halyqtyŋ ömır süru sapasyn jaqsartuǧa baǧyttalǧan äleumettık bastamalarǧa ūdaiy qoldau körsetıp kele jatqan ırı ūiym. Qor auyldaǧy sportty damytuǧa 500 million teŋgege juyq qarjy böldı. Sonymen qatar, osy künge deiın 120-dan astam äleumettık jobany jüzege asyryp, oǧan 85 milliard teŋge kölemınde qarajat jūmsady.
AUYL SPORT jasöspırımderge arnalǧan jaŋa mümkındık, bolaşaq chempiondarǧa alǧaşqy baspaldaq. Timur Qūlybaevtyŋ bastamasymen qolǧa alynǧan būl joba auyl sportyna serpın berıp, myŋdaǧan balanyŋ ömırın özgertıp jatyr.
Basqalarmen bölıse
otyryŋyz
