Jelıde Nazarbaevtar äuletınıŋ qorymynda jaŋadan paida bolǧan beiıtke qatysty sūraqqa jergılıktı äkımdık jauap berdı, dep habarlaidy "Adyrna" ūlttyq portaly Tengrinews.kz-ke sılteme jasap.
Būǧan deiın jaŋa beiıtte Sara Nazarbaeva jerlengen boluy mümkın degen aqparat taraǧan edı.
Äkımdıktıŋ mälımdeuınşe, Şamalǧan auylyndaǧy Nazarbaevtar äuletınıŋ qorymyna 2024 jyldyŋ jeltoqsan aiynda qaitys bolǧan "basqa adam" jerlengen. Bıraq äkımdık "basqa adam" kım ekenın aitpaǧan.
"Jerleu dıni ǧūryptar men dästürlerge säikes jürgızıldı. Qazırgı uaqytta qabırde jazu men körsetkış taqta ornatylmaǧan, alaida marqūmnyŋ tuystarynyŋ aituynşa, taqta jaqyn arada qoiylady", – delıngen äkımdık jauabynda.
Sonymen qatar, prezident ıs basqarmasy medisinalyq ortalyǧynyŋ Ūlttyq gospitalı Sara Nazarbaevanyŋ qaitys bolǧany turaly aqparat şyndyqqa säikes kelmeitının taǧy da rastady. Olardyŋ aituynşa qazırgı taŋda ol Ūlttyq gospitalde em qabyldap jatyr.
Atalǧan gospitalda nauqastyŋ diagnozy men densaulyǧy jaily mälımetter därıgerlık qūpiiaǧa jatatyny eskertıldı.
"Mälımet taratpau turaly şeşım pasienttıŋ jeke ömırıne qūrmetpen qarau, emdeu prosesıne kedergı keltırmeu jäne onyŋ zaŋdy qūqyǧyn saqtau maqsatynda qabyldandy", – dep naqtylady Ūlttyq gospital ökılderı.
Eske sala keteiık, 14 mamyr künı Sara Nazarbaevanyŋ qaitys bolǧany aitylǧan edı. Alaida būl aqparatty Nūrsūltan Nazarbaevtyŋ baspasöz hatşysy Aidos Ükıbai resmi türde joqqa şyǧardy.
