2019 jylǵy 7 qazanda saǵat 19.00-de Almaty oblysynyń Eskeldi aýdanynda, «Almaty-Óskemen» tas jolynyń 303 shaqyrymynda ornalasqan «Citic Construction» JShS bazasynyń aýmaǵynda júrgizýshi, 1998 jyly týǵan Qazaqstan Respýblıkasynyń azamaty Qanat Jambyl soqqyǵa jyǵylǵan. QHR azamattary 1982 j.t. Lıang Chjen, 1992 j.t. Cheng Penglın, 1995 j.t. Chang Hýı Qanatty jabylyp urǵan. Buny estigen bes qazaqtyń jigiti baryp qytaılardy urǵan.
Osy oqıǵaǵa baılanysty Almaty oblysy ákimdiginiń baspasóz qyzmeti tartty degen baspasóz málimeti áleýmettik jelini sharlap ketti. Onda Almaty oblysy ákiminiń orynbasary shuǵyl túrde oqıǵa ornyna bardy. Ákimniń orynbasary men birinshi aýysymdyq lager basshysy Van Peng jáne ýchaske jumysshylarymen kezdesý ótkizdi delingen.
Kezdesý barysynda jumysshylar - Qazaqstan Respýblıkasynyń azamattary eńbek jaǵdaılaryna qatysty birqatar shaǵymdaryn aıtty, mysaly:
- jumys kúniniń uzaqtyǵy (túski úzilispen 12 saǵattyq jumys kúni);
- tómen kalorııaly tamaqtaný (túski asqa olar ekinshi taǵamdy beredi, al túngi aýysym jumysshylaryna tamaq berilmeıdi);
- jergilikti jáne sheteldik jumysshylardyń jalaqylaryndaǵy aıyrmashylyq;
- sanıtarlyq talaptarǵa sáıkes kelmeıtin jataqhanalardaǵy turǵyn úı jaǵdaılary.
Sheteldik jumysshylar sanynyń kvota sheginen asyp ketý faktisi de bar.
Jumys berýshilerdiń málimetinshe, qazirgi ýaqytta 138 adam jumys isteıdi, olardyń 94-i - Qazaqstan Respýblıkasynyń azamattary, 44-i - Qytaı azamattary. Alaıda, aýysymdyq lager negizinde júrgizilgen reıd kezinde oblystyq fılıaldyń qyzmetkerleri 66 jumyskerdi - QHR azamattary dep anyqtady, olardyń qazirgi ýaqytta tólqujat derekteri tekserilip jatyr.
Sonymen qatar, jumysshylardyń aıtýynsha, 7 qazandaǵy oqıǵadan buryn jumysshylar arasynda eki birdeı janjal bolǵan. Oǵan jumys berýshiler nazar aýdarmaǵan. Jumysshylar lagerdiń basshylyǵy júk kóligi júrgizýshilerinen jumysty tezdetýdi talap etedi eken. (jol qozǵalysy erejelerin buzýǵa ákeletin ınertti materıaldardy tasymaldaý kezinde jyldamdyqty arttyrý).
Joǵaryda aıtylǵandardy eskere otyryp, sondaı-aq Qytaıǵa qarsy pikirlerdi boldyrmaý úshin birinshi aýysymdyq lagerdiń basshysyn - Qytaı Halyq Respýblıkasynyń azamaty Van Pandy aýystyrý, sondaı-aq osy kompanııanyń barlyq qyzmetkerleri úshin teń jáne tıisti eńbek jaǵdaılaryn qamtamasyz etý máselesi qarastyrylady.
Osyǵan oraı, búgin «Citic Construction» JShS dırektorynyń qatysýymen joǵarydaǵy máselelerdi talqylap, olardy sheshý úshin naqty sharalar qabyldaý úshin jınalys ótkiziledi. Másele Qazaqstan Respýblıkasy Úkimetiniń baqylaýynda.
Ázirge resmı málimdeme jasalmady. Ishki Ister mınıstrligi men Almaty oblysy ákimdiginen osy oqıǵa týraly resmı málimdeme kútip otyrmyz.
"Adyrna" ulttyq portaly
