Jasöspırımderdıŋ arasynda qūqyq būzuşylyq ara-tūra kezdesıp qalyp jatady. Osy «ättegen-ailardyŋ» aldyn alu üşın tärbie jūmystaryn belsendı jürgızgen jön sekıldı.
Jambyl oblysy äkımdıgı bılım basqarmasynyŋ memlekettık äleumettık tapsyrysy şeŋberınde «Arylu-Oŋtüstık» qoǧamdyq bırlestıgı «Jasöspırımder arasynda qūqyq būzuşylyqtyŋ aldyn alu şaralaryn ūiymdastyru men jürgızu» taqyrybynda seminar-treningter ūiymdastyrdy. Qoǧamdyq bırlestıktıŋ töraǧasy Däuren Baǧjanovtyŋ aituynşa, soŋǧy 8 aida oblysta kämelettık jasqa tolmaǧan jasöspırımderdıŋ qylmysy 13,4 paiyzǧa arqan.
«Kündelıktı ötkızılgen reidtık jäne profilaktikalyq şaralardyŋ nätijesınde polisiia bölımşesıne 3082 kämelet jasqa tolmaǧan jasöspırım jetkızılgen. Al olardyŋ ata-analaryna 2796 äkımşılık hattama toltyrylyp, aiyppūl salynypty. Alaida būl körsetkış byltyrǧy jylǧa qaraǧanda 496 derekke artqan. Kämeletke tolmaǧandar arasynda qylmystyŋ ösuı ötkır mäsele, öitkenı olar eresekterge qaraǧanda täjıribesı men bılımınıŋ jetkılıksızdıgınen köptegen problemalardy şeşe almaidy», – deidı ol.
Oquşylar arasynda qylmysty azaitu üşın «Arylu-Oŋtüstık» qoǧamdyq bırlestıgı tabandy türde eŋbek etıp keledı. Ūiym mamandary oblystaǧy barlyq on audanyndaǧy mektepterde arnaiy seminar-treningter ötkızgen. Atalǧan oqytu seminarlaryn Abai atyndaǧy ūlttyq pedagogikalyq universitetınıŋ oqytuşysy, psihikalyq sauyqtyru ortalyǧynyŋ mamany Meiramgül İbaşova jürgızgen.
«Deviantty mınez-qūlyqtyŋ köbıne jasöspırımder arasynda körınıs tabatynyn psihologtar jaqsy bıledı. Būl rette är sabaqta mūǧalımderge eŋ bırınşı kezekte ata-analarmen bırıgıp jūmys ısteuge keŋes beremın. Bala tärbiesıne kelgende jan-jaqty äser etpesek, jasaǧan äreketımızdıŋ bärı zaia ketedı. Köp jaǧdaida ata-ana mektepke kelgen kezde balanyŋ tärbiesıne emes, basqa ūsaq-tüiek dünielerge bola keletının täjıribe körsetıp jür. Jasöspırımnıŋ qylmysqa baruynyŋ eŋ bırınşı sebebı balanyŋ psihologiialyq erekşelıgıne, psihologiialyq densaulyǧyna tıkelei qatysty», – deidı Meiramgül Smaǧūlqyzy.
Jalpy öŋırde Jambyl oblysy äkımdıgıne qarasty bılım basqarmasynyŋ memlekettık äleumettık tapsyrysy şeŋberınde «Arylu-Oŋtüstık» qoǧamdyq bırlestıgınıŋ mūryndyq boluymen ötken treningterge barlyǧy 300-ge tarta synyp jetekşı, 300 mektep direktorynyŋ orynbasary qamtylǧan. Kämeletke tolmaǧan jastardyŋ arasynda qylmystyŋ aldyn aludyŋ keşendı şarasy retınde baǧalanǧan būl treningter aldaǧy uaqytta da jalǧasyn taba bermek.
«ADYRNA»
ūlttyq portaly
