Tūrǧyndardyŋ sapaly ömırınıŋ bır körsetkışı halyqty talapqa sai auyz sumen qamtu ekenı anyq. Būl jolda Arqalyq qalasy boiynşa su qūbyrlaryn jaŋartu jūmystary jüielı türde jürgızılıp keledı. Sonymen qatar, qala tūrǧyndaryn, nysandardy üzdıksız jylumen qamtu maqsatynda infraqūrylymdy jetıldıru şaralary da qolǧa alynǧan.
Arqalyq qalasynyŋ 21 şaqyrym bolatyn su qūbyry 925 434 mln. teŋgege osydan ekı jyl būryn jaŋartylǧan bolatyn. Ötken jyly taǧy da 2 904 şaqyrym su qūbyry jaŋadan töseldı. Būl jūmys biylǧy jyly da jalǧasyp, ekınşı kezek boiynşa Arqalyq qalasynyŋ 19,3 şaqyrym su qūbyryn jaŋartuǧa 1, 090, 5 myŋ teŋge igeru közdelgen.
Sondai aq, qalaǧa ırgeles Severnyi kentınıŋ 11, 8 şaqyrym su qūbyryn auystyru jūmystary 62 558 mln teŋgege jürgızıldı. Qazır jūmys 95 paiyzǧa jasalyp tūr. Biylǧy jyly jūmysty tolyqtai aiaqtau jospary bar.

Auyldyq eldı – meken tūrǧyndaryn da sapaly auyz sumen qamtu jūmystary oŋ jolǧa qoiylǧan. Osy maqsatta, qalaǧa qarasty Ekıdıŋ auylyna 90 913,2 myŋ teŋgege su tazartu jäne taratu punktı salynsa, däl osyndai jūmys Jaŋaqala jäne Qaiyŋdy auyldarynda da jürgızıldı.
Al, Aşutasty men Aŋǧar auyldarynda 619 184 mln.teŋgege 51. 5 şaqyrym bolatyn su qūbyry töselıp, nätijesınde qos auyldyŋ tūrǧyndary sapaly auyz suǧa qol jetkızıp otyr.
Biylǧy jyly 391, 4 mln. teŋgege - Molodejnyi auylyna 10, 3 şaqyrym bolatyn su qūbyryn salu maqsaty tūr.
Bügıngı künı Arqalyq qalasy boiynşa 35, 2 şaqyrym jylu jelısı bolsa, onyŋ 68% tozǧan jaǧdaida. Endıgı maqsat osy olqylyqtyŋ orynyn toltyryp, jylu jüiesın jaŋartu. Memlekettıŋ jıtı köŋıl böluınıŋ arqasynda būl jūmystar da jyl saiyn atqarylyp keledı.
2023 jyly jylu qūbyryn auystyrudyŋ bırınşı kezegı aiasynda 3 418, 9 mln teŋgege 7 şaqyrymnan astam jylu jelısı jaŋartylyp, sonyŋ nätijesınde tozǧan jylu jüiesınıŋ kölemı 17% -ǧa, naqty aitsaq 85% -dan - 68% -ǧa tömendedı.
Al, ötken jyly ekınşı kezek boiynşa 10,131 şaqyrym jylu qūbyry jaŋartyldy. Ärı qarai, jobanyŋ üş kezegı tolyq jüzege asqan jaǧdaida Arqalyq qalasyndaǧy jylu qūbyrynyŋ tozu körsetkışı 12% -ǧa deiın tömendeidı dep kütılude.
Ükımettıŋ Arqalyq sekıldı şaǧyn qalaǧa köŋıl bölınuınıŋ nätijesınde su men jylu infraqūrylymyn damytu jolynda osyndai auqymdy jūmystar jüzege asuda. Osynyŋ nätijesınde tūrǧyndardy sapaly auyz sumen qamtyp, halyqtyŋ densaulyǧyn saqtap qana qoimai, jylu jüiesın jaŋartudyŋ nätijesınde, jylu qūbyryndaǧy apatty jaǧdailardy boldyrmauǧa qol jetkızıp otyrmyz.


