Mäjılıs Qylmystyq kodekske qalyŋdyq ūrlauǧa qatysty qylmystyq jauapkerşılıktı qarastyratyn özgerısterdı ekınşı oqylymda qabyldady, dep habarlaidy "Adyrna" ūlttyq portaly.
Deputattar Qylmystyq kodekske jaŋa 125-1-bapty — «Nekege mäjbürleu» degen ataumen tolyqtyrudy ūsyndy. Būl äreket üşın aiyppūl, tüzeu jūmystary, bostandyqty şekteu nemese ekı jylǧa deiın bas bostandyǧynan aiyru jazasy qarastyrylǧan. Eger äreket zorlyq-zombylyqpen, kämeletke tolmaǧandarǧa qatysty, toppen nemese qyzmettık ökılettıktı paidalanu arqyly jasalsa, jaza merzımı üş jyldan jetı jylǧa deiın artady. Al auyr zardaptar bolsa, jaza bes jyldan on jylǧa deiın bas bostandyǧynan aiyruǧa deiın küşeitıledı, — dep habarlady Mäjılıs baspasöz qyzmetı.
Sondai-aq adamdy ūrlap, öz erkımen bosatqan tūlǧa da qylmystyq jauapkerşılıkten bosatylmaidy.
Zaŋ jobasy azamatty erkınen tys aŋdu, habarlasuǧa tyrysu, ızıne tüsu äreketterıne qatysty da qylmystyq jauapkerşılık engızudı közdeidı.
Abzal Qūspannyŋ aituynşa, soŋǧy jyldary Qazaqstanda qalyŋdyq ūrlau jaǧdailary jiılegen, äsırese eldıŋ oŋtüstık öŋırlerınde. Keibır jastardyŋ kelısımmen, toi şyǧynyn azaitu maqsatynda «ūrlaǧan bolyp» üilenetını kezdesedı. Bıraq keide mülde beitanys er adamdar köşeden qyzdy kölıkke küştep otyrǧyzyp, toppen alyp ketedı. Mūndai äreketterdı dästürge jasyrady, alaida tarihşylardyŋ aituynşa, qazaq dästürınde ondai ūǧym bolmaǧan.
2019–2023 jyldar aralyǧynda äielderdı ūrlau faktılerı boiynşa 214 sotqa deiıngı tergeu bastalǧan, bıraq onyŋ 201-ı toqtatylǧan, sebebı Qylmystyq kodekstıŋ 125-babyndaǧy (Adam ūrlau) eskertpege säikes, eger ūrlauşy jäbırlenuşını öz erkımen bosatsa, ıs toqtatylady.
Ūlttyq qūryltaidyŋ Atyraudaǧy otyrysynda prezident Qasym-Jomart Toqaev būl mäselege nazar audaryp, qalyŋdyq ūrlaudy «masqara nadandyq» dep atap, oǧan zaŋdy baǧa berudı tapsyrǧan. Osydan keiın Qylmystyq kodekske özgerıster engızu bastamasy köterılgen. Mäjılıs maqūldaǧannan keiın zaŋ jobasy Parlamenttıŋ Senatyna joldanady.
