Premer-ministr Oljas Bektenov Mäjılıs deputattarynyŋ Qazaqstannyŋ törtınşı ǧaryşkerın ūşyruǧa qatysty saualyna jauap berdı, dep habarlaidy “Adyrna” ūlttyq portaly.
Ükımet basşysynyŋ aituynşa, qazaqstandyq ǧaryşkerlerdıŋ qatysuymen ötetın halyqaralyq ǧaryş baǧdarlamalary tek ūlttyq jäne halyqaralyq deŋgeide oryndy dep tanylǧan jaǧdaida ǧana jüzege asyrylady.
“Basqarylatyn baǧdarlamalarǧa qatysu qomaqty qarjy şyǧyndaryn talap etedı. Oǧan tek ūşudyŋ özı ǧana emes, ǧaryşkerdı daiarlau, ǧylymi baǧdarlama, logistika jäne ūşudan keiıngı qyzmet körsetu kıredı”, – dedı Bektenov.
Ol būl mäsele asa salmaqty ärı pragmatikalyq şeşımdı qajet etetının atap öttı. Eger jobanyŋ özektılıgı men negızdılıgı rastalsa, onda ūşu tiıstı halyqaralyq mındettemelerdı saqtai otyryp jäne eldıŋ qarjylyq mümkındıkterıne qarai jüzege asyrylady.
Aita keteiık, ǧaryşker Aidyn Aiymbetov būǧan deiın kelesı qazaq ǧaryşkerı qyz boluy mümkın ekenın aitqan edı. Onyŋ pıkırınşe, Qazaqstannyŋ qyzdary būl salada erlermen teŋ därejede jūmys ıstei alady.
Ūqsas jaŋalyqtar
