Premer-ministrdıŋ orynbasary – ūlttyq ekonomika ministrı Serık Jūmanǧarin soŋǧy jyldary respublikalyq biudjettıŋ şyǧystary nege ösıp ketkenın tüsındırdı, dep habarlaidy “Adyrna”.
Onyŋ aituynşa, pandemiia jyldarynda, 2020 jyldan bastap biudjet şyǧystary şamamen 7-8 trln teŋgege ösıp ketken.
«Sosyn Ūlttyq qordan qarajatty aiamai aldyq. 2020 jyldan berı qordan alynǧan qarajat deŋgeiı 5 trln teŋgeden tüspedı. Biyl jospar boiynşa kelesı jylǧa nysanaly transfertterdı Ūlttyq qordan sūramaimyz. Ol degen qazır eseptegende – 3,2 trln teŋge. Osy aqşany Ūlttyq qorda qaldyramyz. Öitkenı salyq reformasynan jaŋa kırıster kütemız. Bıraq şyǧystarymyz nege ösıp kettı? Sebebı pandemiia kezınde adamdarǧa qarajat berdık, ekonomika jarty jyl dūrys jūmys ıstegen joq, adamdar üide otyrdy, 41 myŋ teŋgeden berdık. Azamattarymyzdy qoldau üşın barymyzdy şaştyq qoi», - deidı Jūmanǧarin Mäjılıste ötken Ükımet saǧatynda.
Sonymen qatar, onyŋ aituynşa, 2022 jyly elımızde ailyq edäuır östı.
«2022 jyldyŋ basynda memlekettık qyzmetşılerdıŋ jalaqysyn köterdık, sodan keiın ärbır jyl indeksasiia jasadyq. 2020-2022 jyldary infliasiia 22 paiyz boldy. Soǧan bailanysty mındettı türde osy paiyzǧa indeksasiia jasadyq. Sondyqtan jalaqy myqty ösıp kettı. İnfraqūrylymǧa da sol kezderı qarajatty jaqsy berdık. Sonyŋ äserınen biudjettıŋ şyǧystary köbeidı», - dep tüsındırdı Jūmanǧarin.
Ministr ekonomikanyŋ ösuı ekonomikanyŋ damu biudjetıne salynǧan qarajatqa bailanysty ekenın atap öttı.
Ūqsas jaŋalyqtar
