Altyn-Orda.kz saitynyŋ bas redaktory Serık Mäleev Memleket basşysy Qasym-Jomart Toqaevtyŋ atyna aşyq ündeu joldap, «Ädılettı Qazaqstan» tūjyrymdamasynyŋ keibır öŋırlerde jüzege aspai, sabotajǧa ūşyrap jatqanyn mälımdedı, dep habarlaidy “Adyrna”.
Mäleev öz ündeuınde Almaty qalasynda jeke üiıne japsarjai salu kezınde oryn alǧan kedergıler men qūqyq būzuşylyqtar turaly aityp, memlekettık organdar men jekelegen azamattardyŋ ıs-äreketterın ötkır synǧa aldy.
«Sız «Ädılettı Qazaqstandy» qūru turaly bastama kötergen kezde qoǧamda ümıt oty jandy. Bıraq jergılıktı jerlerde būl ideia köp jaǧdaida nemqūraidylyqqa nemese aşyq qarsylyqqa tap boluda», — delıngen ündeude.
Mäleev Almaty qalasynyŋ būrynǧy bas säuletşısı Aslambek Ahmedjanovtyŋ 11 jylǧa sottalǧanyn mysalǧa keltırıp, būl oqiǧany «jüielı jemqorlyqtyŋ» körınısı dep sipattady. Onyŋ aituynşa, Ahmedjanov memlekettık jerlerge jeke menşıktei qaraǧan, jobalar men rūqsattardy «adaldyq pen para» negızınde taratqan.
«Sūraq tek onyŋ jeke basynda emes. Onyŋ maŋaiyndaǧy şeneunıkter qaida qarady? Olar nege ünsız qaldy? Eger olar älı de qyzmette bolsa, bügın sol eskı prinsiptermen jūmys ısteuın jalǧastyryp jatqan joq pa?» — dep jazady bas redaktor.
Serık Mäleevtıŋ aituynşa, 2024 jyly ol japsarjai saluǧa resmi rūqsat alǧan. Alaida körşısı Tatiana Kozyreva tarapynan köptegen şaǧym men qysymǧa tap bolǧan. Onyŋ şaǧymdarynyŋ negızınde säulet basqarmasy Mäleevke eskizdık jobasyn bekıtuden bas tartqan. Mäleev mūny «jüienıŋ ışındegı tanystyq pen yqpaldyŋ» aiǧaǧy dep bıledı.
«Säulet bölımındegı mamandar körşımnıŋ sözıne süienıp, rūqsat bermei qoidy. Būǧan qosa, Kozyreva polisiiamen bırge üiıme zaŋsyz kırıp, videotüsırılım jasady. Būl Konstitusiianyŋ 18 jäne 25 baptaryna qaişy äreket», — deidı ol.
Mäleev būl jaǧdaidyŋ öz densaulyǧyna da auyr äser etkenın aitady. Qūqyqtyq qysym men stress saldarynan ol auruhanaǧa tüskenın, tıptı därıgerler tık ışektıŋ qaterlı ısıgın anyqtaǧanyn jetkızdı. Onyŋ jūbaiy da osy oqiǧalardan keiın gipertoniialyq daǧdarysqa ūşyrap, auruhanaǧa jetkızılgen.
«1937 jyl qaita oralǧandai»
Mäleev öz ündeuınde jeke oqiǧasyn otbasylyq tarihpen salystyra otyryp, 1930–1937 jyldardaǧy saiasi quǧyn-sürgınmen parallel jürgızedı. Ol mūndai oqiǧalar bügıngı täuelsız Qazaqstanda oryn aluy — öte alaŋdatarlyq jait dep baǧalaidy.
Serık Mäleevtıŋ ündeuındegı negızgı talap — ädılettılıktıŋ tek deklarasiiada emes, naqty ärekette körınıs tabuy. Ol jergılıktı atqaruşy organdar men qūqyq qorǧau qūrylymdaryndaǧy bassyzdyq pen bailanysqa negızdelgen şeşımderdı toqtatyp, azamattardyŋ qūqyqtarynyŋ şynaiy qorǧaluyn sūraidy.
«Eger qarapaiym azamat öz üiınde, öz jerınde qorǧalmasa, onda «Ädılettı Qazaqstan» tek ūran bolyp qalmai ma?» — dep tüiındeidı ol öz ündeuın.
