Aqtöbede Abai daŋǧyly boiyndaǧy bes qabatty tūrǧyn üidıŋ törtınşı qabatynda jarylys boldy, dep habarlaidy "Adyrna" ūlttyq portaly Orda.kz-ke sılteme jasap.
Aldyn ala mälımet boiynşa, jarylysqa tūrmystyq gaz sebep bolǧan.
Jarylystan keiın üşınşı men törtınşı qabattyŋ arasyndaǧy aralyq qabyrǧa qūlaǧan.
«Jarylystyŋ saldarynan şamamen 40 şarşy metr aumaqta ört şyqty», – dep mälımdedı oblystyq Tötenşe jaǧdailar departamentınıŋ baspasöz qyzmetı.
Qazırgı uaqytta ört tolyq söndırılgen. 73 adam evakuasiialanyp, jataqhanaǧa ornalastyrylady. Tötenşe jaǧdai saldarynan bır adam qaza tapqan.
Polisiia būl oqiǧa boiynşa QR QK 292-baby 2-bölıgı – «Ört qauıpsızdıgı talaptaryn būzu, abaisyzda adam ölımıne nemese özge de auyr zardaptarǧa äkep soǧu» baby boiynşa qylmystyq ıs qozǧady.
«Qazırgı uaqytta tūrǧyn üidıŋ tūruǧa jaramdylyǧy tekserılıp jatyr. Sebebı törtınşı qabattaǧy plita üşınşı qabatqa qūlaǧan. Būl tūrǧyndar üşın qauıp bar ekenın bıldıredı. Sondyqtan tömengı qabattardaǧy tūrǧyndar da uaqytşa jataqhanaǧa köşırıledı», - dedı qala äkımı Azamat Beket.
