Qaraǧandy oblysynda äiel adam azamattyq nekedegı küieuımen bırge 15 jastaǧy qyzyn 38 jastaǧy erkekke tūrmysqa bergen, dep habarlaidy «Adyrna» tılşısı «7-arnaǧa» sılteme jasap.
Oqiǧa Abai qalasynda nauryz aiynyŋ ortasynda bolǧan. Jasöspırım neke qiylǧannan keiın bes kün ötken soŋ öz äkesıne qaşyp barǧan. Qyzdyŋ tuǧan äkesı bırden polisiiaǧa aryz tüsırıp, ıstı qūqyq qorǧau organdaryna tapsyrǧan.
15 jastaǧy jasöspırımge qatysty qylmys jasady degen küdıkke ılıngen 38 jastaǧy er adam ūstalyp, uaqytşa ūstau izoliatoryna qamaldy. Atalǧan faktı boiynşa qylmystyq ıs qozǧaldy. Qazırgı taŋda qyz balanyŋ äkesı būrynǧy jūbaiyn ata-ana qūqyǧynan aiyrudy talap etıp otyr.
«Balalarymdy qolyma alǧym keledı. Ūlym kämelet jasqa tolmaǧan, qyzym da kämeletke tolmaǧan, taǧy bır kenje qyzym bar. Men olardyŋ būl otbasynda tūryp, ömırıne qauıp töngenın qalamaimyn. Būl öte qorqynyşty jaǧdai. Menıŋ kenje qyzym bar. Olar oǧan da «Senı de keiın küieuge beremız»degen»,— deidı qyzdyŋ äkesı.
Aita keteiık, qazır ıstıŋ barlyq män-jaiy anyqtalyp jatyr.
