Jympity auylynda bır otbasynyŋ bes balasyn soŋǧy saparǧa şyǧaryp saldy, dep habarlaidy “Adyrna” ūlttyq portaly Orda.kz-ke sıltep.
Qaiǧyly oqiǧa otbasynyŋ üiınde bolǧan ört saldarynan oryn aldy. Büldırşınder – 6 jastaǧy Raian, 5 jastaǧy Rais, 4 jastaǧy Diar, 2 jastaǧy Nūrhan jäne 8 ailyq Älihan uly gazdan ulanyp köz jūmdy. Oqiǧa kezınde ata-analary jūmysta bolǧan.
Orda.kz mälımetınşe, Sabirovtar — ata-anasyz ösken, ekeuı de jetım. Tuystarynyŋ aituynşa, Ergen Sabirov — Jympitynyŋ tūrǧyny, al jūbaiy Atyraudan. Būǧan deiın audanǧa qarasty alys auyldardyŋ bırınde tūryp kelgen olar ötken jyly Jympityǧa köşıp kelgen. Öz üilerı bolmaǧandyqtan, köpbalaly otbasy retınde tūrǧyn üi kezegıne tūrǧan.
«Materialdyq jaǧdailary qiyn edı. Eş jerden qoldau körmedı. Qoldau bolǧanda, bälkım, būl qaiǧynyŋ aldyn aluǧa bolar ma edı? Qazır bırden bes balasynan aiyrylyp otyr», — dedı otbasynyŋ tuysy Jūmaqan Ömbetiiarov.Balalardyŋ denelerı jaqyn tuysynyŋ üiınen şyǧaryldy. Qoştasuǧa auyldyŋ eresekterı men jastary jinalǧan. Sabirovtar tūrǧan üidıŋ bır bölmesı tolyǧymen örtenıp ketken. Ekınşı jartysy aman qalǧan. Balalar däl sol aman qalǧan bölmede jatqan. Olardy ot şalǧan joq, bıraq bärı de uly gazdan tūnşyǧyp köz jūmǧany anyqtaldy. Körşı Tılek Amanbaevtyŋ aituynşa, ol tütındı baiqap, dereu ört söndıruşılerdı şaqyrǧan. Qūtqaruşylar jyldam jetkenımen, üidıŋ esıgı qūlyptauly bolǧandyqtan, olar bastapqyda üide eşkım joq dep oilaǧan. Tek körşılerdıŋ bırı üide balalar boluy mümkın ekenın eskertken. Keiınnen esıktı būzyp, ışke kırgende ǧana, büldırşınderdıŋ denesı tabyldy. «Balalardyŋ denesınde küiık ızderı bolmady. Olar tütınnen ulanǧan», – dedı Tılek Amanbaev. Janazaǧa Syrym audanynyŋ äkımı Jūmakeldı Batyrniiazov pen Jympity auylynyŋ äkımı Miram Qaiyrǧaliev kelıp, otbasyna köŋıl aitty. Sonymen qatar oqiǧa ornynda jedel järdem, polisiia men TJD qyzmetkerlerı kezekşılık ettı.
Ūqsas jaŋalyqtar
