Saqina – sausaqqa salatyn zergerlık būiym. Jüzıkke qaraǧanda saqinanyŋ bauyry jalpaqtau bolyp, köbıne betıne tas qondyrylmaidy.
Ertede halqymyz as adal bolu üşın äieldıŋ qolynda mındettı türde saqina, ne jüzık boluy kerek dep sanaǧan. Tılımızdegı «Saqinany sänge salmaidy, ol-tazalyq tarazy», «Saqina sänge jatpas, aiqai änge jatpas» degendei ūǧymdar saqinanyŋ tek sändık qana emes, gigienalyq qyzmet te atqarǧanyn däleldeidı. Mūnyŋ özı halyqtyŋ saqina soǧylatyn kümıs ne altynnyŋ tattanuǧa ūşyramaitynyn, sudyŋ, tamaqtyŋ tez būzylmauyna septıgın tigızıp, densaulyqqa jaǧymdy äser etetının erteden-aq aŋǧaryp, baiqaǧanyn körsetse kerek. Künı bügınge deiın auyldyq jerlerde jas kelınşek närestesın şomyldyrar aldynda, iaki balanyŋ jörgek- jaialyǧyn juar aldynda oǧan sol üidıŋ ülkenderı (enesı, ne abysyny) «Qolyŋa saqina salyp al, (ol) tazalyqqa tän bolady» dep eskertıp otyrady. Olai bolsa, närestenı qyrqynan şyǧarǧanda ony şomyldyratyn suǧa soǧan qatysyp otyrǧan äielderge syilyq retınde ülestıru üşın ǧana emes, osyndai asyl būiymdardy qasiettı sanaudan, tazalyqqa män beruden de şyqqan siiaqty.
Tılımızde saqinaǧa qatysty bırsypyra ataular bar:
Aqyq saqina – kışkentai aqyq qondyrylǧan saqina.
Altyn saqina – taza altynnan soǧylǧan saqina.
Baldyq saqina – saqinanyŋ sausaq üstıne qaraǧan betı törtbūryş bolyp keletın türı.
Būrama saqina – altyn, kümıstı esıp jasaǧan saqina.
Jez saqina – sausaqqa salu üşın emes, qamşy, naiza, pyşaq, qylyş sabyn bekıtu üşın jasalǧan mys şyǧyrşyq
Qapqaz saqina – qara ala örnektı saqina türı.
Kümıs saqina – taza kümısten soqqan, ne qūiyp jasaǧan saqina.
Qola saqina – qoladan jasai salǧan arzanqol saqina.
Qūsmūryn saqina – üstı döŋesteu kelgen saqina türı.
Monşaqty saqina – monşaq qondyrylǧan saqina.
Mys saqina – mystan jasalǧan ortaqol saqina.
Neke saqinasy – jas jūbailardyŋ üilenu toiynda bır-bırıne syilaǧan saqina.
Ötkerme – saqinanyŋ jergılıktı tıldegı atauy.
Saqinek – pyşaq, qylyş t.b. qūraldardyŋ sapqa jetesı sūǧylatyn jerın qysyp tūru üşın mys, ne kümısten jasalatyn baldyq, moinaq.
Sırkelı saqina – betıne ūsaq tüiırşıkterden sırke örnek salǧan saqina.
Tasty saqina – tas,şyny ornatqan saqina.
Temır saqina – temırden jasalǧan tyǧyrşyq, saqinek. Tılımızdegı «saqinasy ūstap otyr», «sau basqa saqina saldy», «sau basyna saqina tıledı» degen tūraqty söz tırkesterı özıne özı ıstedı, azap, auru tılep aldy degen maǧynada jūmsalady. «Saqinasy synyq» frazalyq söz oramy qyz emes, äiel maǧynada qoldanylady. «Saqinasyn syndyrǧan» degen tırkes tūrmysqa şyǧuǧa bailanysty aitylady.
R. Şoibekov