Osetinnıŋ ūlttyq kiımderı qazaqtardıkıne qatty ūqsaidy - Fatima Birkle

5396
Adyrna.kz Telegram
http://adyrna.kz/content/uploads/2018/03/osettiya.jpg
Maŋǧystau oblysynda nauryzdyŋ 22-sıne deiın ūlttyq qūndylyqtardy därıptep, ruhani sanany jaŋǧyrtuǧa baǧyttalǧan türlı şaralar ötkızıledı, Är kün är taqyrypqa arnalady. Şara barysynda ūlttyq dästürdı ūlyqtauǧa, qaiyrymdylyq jasauǧa, qarttardy qadırlep, sport pen bılımdı damytuǧa den qoiylmaq. Fatima Birkle - «Osetin» etnomädeni bırlestıgınıŋ töraiymy. Ol öŋırde ötkızıletın merekelık şaralarǧa ünemı öz ūltynyŋ kiımımen keledı. Bırlestık töraiymy oiumen örnektelgen osetin kiımderınıŋ qazaqtyŋ ūlttyq kiımderıne qatty ūqsaitynyn aitady. «Köilegım men şapanymdy körgender «Qazaqtyŋ ūlttyq kiımı me?» dep sūrap jatady. Joq, būl osetin ūltynyŋ kiımı. Mümkın keibır elementterın kezınde ata-babamyz qazaqtardan alǧan şyǧar, kiımderımızde ūqsastyq bar. Bızdıŋ osetin qyz-kelınşekterınıŋ köilekterınıŋ etegı de ūzyn», - deidı «Alan» osetin etnomädeni bırlestıgınıŋ töraiymy Fatima Birkle. Bügın «Dostyq» üiınde ūlttyq kiımder körmesı öttı. Aimaqtaǧy etnomädeni bırlestık ökılderı balabaqşa büldırşınderı men mektep oquşylaryna öz ūltynyŋ dästürlı kiımderın, olardyŋ tarihyn jäne erekşelıkterın tanystyrdy. «Bızdıŋ erteŋımız - bügıngı bızdıŋ jastarymyz. Sol sebeptı jastarǧa halyqtyŋ dostyǧyn nasihattau, bır-bırıne degen tözımdılıktı ılgerıletu jäne jastarymyzǧa Nauryz merekesınıŋ män-maǧynasyn tüsındıru maqsatynda bügın osyndai şara ūiymdastyrdyq», - dedı «Qoǧamdyq kelısım» KMM direktory Amangül Jaiylhanova. Ūlttyq kiımder künın öŋırdegı barlyq ūjym atap ötude.

inform.kz

Pıkırler