«Týǵan jer, saǵan myń taǵzym!»

3988

«Adyrna» ulttyq-etnografııalyq birlestigi men Azamattyq bastamalardy qoldaý ortalyǵy jarııalaǵan «Týǵan jer» shyǵarmashylyq baıqaýynyń aıaqtalýyna da sanaýly kúnder qaldy. Osy kúnge deıin 500-den astam kelip túsken eńbekter áli de tolastar emes. Aıta keteıik, qatysýshylar «Úzdik maqala», «Úzdik poezııa», «Úzdik beıneleý óneri», «Úzdik ónertabys», «Úzdik beınerolık» jáne «Úzdik dástúrli mýzyka oryndaýshysy» nomınaııalary boıynsha baqtaryn synaýda. Týǵan jeriniń qadir-qasıetin uǵynyp, qymbat ekendigin júrekpen sezingen jastardyń eńbegin kórgen kezde tań qalmaý múmkin emes. Týǵan jerge jasaǵan taǵzymyn biri sózben jetkizse, al biri óleńine qosýda. Jastardyń biri júrekpen án shyrqasa, al ózge jastar sýretpen, beıneli ónerlerimen sezimin jetkizýde. Endi biri týǵan jerdiń ásem kórinisin beınerolık arqyly tamashalaýǵa múmkindik týǵyzýda. Aqyn Qasym Amanjolov:
Shyqshy taýǵa qarashy, keń dalaǵa,
Máz bolasyń uqsaısyń jas balaǵa.
Ol shetimen bul shetine júgirseń,
Sharshaısyń ba, qumaryń bir qana ma?,-
dep tekke jyrlamasa kerek-ti. Rýhty jastarymyzdyń qatary artyp, Otanymyzdyń, keń dalanyń tabıǵatyn beıneleýge at salysýda. Munyń ózi týǵan jerdiń kórkeıýine birshama úles dep oılaımyz. Elimizdiń kórkem baılyqtarymen maqtana, jarysa jyrlaǵan jastar da tap osylaı týǵan jerin nasıhattaıtyny sózsiz. Endeshe, týǵan jerdiń damýyna úlesin qosyp jatqan qatysýshylarǵa sáttilik tileımiz! Talaptaryńyz shyńdalyp, eńbekterińiz jana bersin!

«Adyrna» ulttyq-etnografııalyq birlestigi

Pikirler
Redakııa tańdaýy