24 qazan künı Qoǧamdyq keŋestıŋ kezektı otyrysynda Şymkent qalasy säulet jäne qala qūrylysy basqarmasynyŋ basşysy orynbasarynyŋ mındetın atqaruşy Ä.Lesbekov esep berdı. Atalǧan basqarmanyŋ jūmysyna qatysty bırqatar syn aityldy. Jiyn barysynda Şymkent qalasynda 1000-nan astam nysannyŋ qūrylysyn jūmystarynda zaŋsyz äreketge jol berılgenı belgılı boldy.
Bügın zaŋsyz jūmystardyŋ sebebın bılu üşın säulet jäne qala qūrylysy basqarmasynyŋ orynbasary Arhabaev Nūrlandy qabyldadym. Belgılı bolǧandai, myŋnan asa nysannyŋ zaŋsyz salynǧany jönınde qala qūrylysyn baqylau basqarmasyna 70-ten asa tiıstı hat jazylǧan.
Alaida ol hattar «GASK-ke» barmaǧan. Naqtyraq aitsaq Şymkenttegı qala qūrylysyn baqylau basqarmasynyŋ basşysy Berık Düisenovke jetpegen. Mysaly, myna surettegı nysandardyŋ qūjattary bolmasa da qabyldanyp qoiǧan eken.
Būnyŋ bärı qylmysty jabudyŋ bır joly emes pe? Älde hattardyŋ tırkelmeuı basqarma basşysynyŋ jūmysyndaǧy zaŋsyzdyqtardy jasyru ma? Būl hattar negızınde qūrylys nysandaryn baqylauǧa alynyp, tekserıluı kerek. Al säulet jäne qala qūrylysy basqarmasy zaŋsyz qūrylystardy teksertudıŋ ornyna özderı zaŋsyzdyqtarǧa jol berude.
Bügın zaŋsyz jūmystardyŋ sebebın bılu üşın säulet jäne qala qūrylysy basqarmasynyŋ orynbasary Arhabaev Nūrlandy qabyldadym. Belgılı bolǧandai, myŋnan asa nysannyŋ zaŋsyz salynǧany jönınde qala qūrylysyn baqylau basqarmasyna 70-ten asa tiıstı hat jazylǧan.
Alaida ol hattar «GASK-ke» barmaǧan. Naqtyraq aitsaq Şymkenttegı qala qūrylysyn baqylau basqarmasynyŋ basşysy Berık Düisenovke jetpegen. Mysaly, myna surettegı nysandardyŋ qūjattary bolmasa da qabyldanyp qoiǧan eken.
Būnyŋ bärı qylmysty jabudyŋ bır joly emes pe? Älde hattardyŋ tırkelmeuı basqarma basşysynyŋ jūmysyndaǧy zaŋsyzdyqtardy jasyru ma? Būl hattar negızınde qūrylys nysandaryn baqylauǧa alynyp, tekserıluı kerek. Al säulet jäne qala qūrylysy basqarmasy zaŋsyz qūrylystardy teksertudıŋ ornyna özderı zaŋsyzdyqtarǧa jol berude.
Nege? Mysaly, bır qūrylys nysanynyŋ jobalyq smetalyq qūjattaryn äzırleuge, saraptama ötkızuge qomaqty qarajat (2 mln.teŋgemen 20 mln.teŋgenıŋ arasy) qajet. Säulet jäne qala qūrylysy basqarmasy bolsa bırde-bır qūjatsyz qūrylysty qabyldap jürgenı zaŋsyz, baryp tūrǧan qylmystyŋ ordasy emes pe degen oi keledı.
Joǧaryda atalǧan zaŋsyz qūrylys nysandary, toihana bolmasa biznes ǧimarattary künderdıŋ bır künınde qūlap qalyp, adam şyǧynyna alyp kelmesıne kım kepıldık beredı?
Şymkent qalasynyŋ qala qūrylysyn baqylau basqarmasy, Şymkent qalasynyŋ prokuraturasy, Şymkent qalasy äkımdıgınıŋ apparaty jäne Sybailas jemqorlyqqa qarsy ıs-qimyl ūlttyq biurosynyŋ Şymkent qalasy boiynşa departamentı būl zaŋsyzdyqtarǧa tekserıster jürgızuı qajet.
Nūrǧazy Būharbai,
Şymkent qalasy Qoǧamdyq keŋestıŋ töraǧasy,
mäslihattaǧy «Nur Otan» fraksiiasynyŋ müşesı.
