Ejelgı Taraz qalaşyǧyn qazu nätijesınde 97 altyn jäne kümıs zattar tabyldy. «Ejelgı Taraz eskertkışterı» memlekettık tarihi-mädeni qoryq-mūrajaiynyŋ direktory, tanymal jambyldyq tarihşy Täken Moldaqynov osy bır jūmystardyŋ basy-qasynda bolyp, Qazaq handyǧynyŋ 550 jyldyǧy qarsaŋynda ülken oljaǧa keneldı.
«Ejelgı qalaşyqty qazu aumaǧynda 2,5 metr tereŋdıkten «Qazarheologiia» JŞS jūmysşylary 97 qymbat zattar salynǧan qyş qūmyra tauyp aldy, – dep äŋgımeledı T.Moldaqynov. - Būlar negızınen äielder äşekeilerı, syrǧa, alqalar, äielder qamzoldaryn äşekeileitın ūsaq metaldar, qūimalar, sondai-aq ülken bılezıkter. Ekı altyn jäne alty kümıs bılezık qymbat tastarmen bezendırılgen».
T.Moldaqynovtyŋ aituynşa, barlyq tabylǧan zattar mūqiiat eseptelıp, suretke tüsırılıp alynǧan jäne qūjattalǧan. «Sırä, būl jasyrylyp kömılgen qazyna bolsa kerek. Qūmyra jarylyp, bülıngen, bıraq ışındegı zattary saqtalyp qalǧan», – dep tüsındırdı tarihşy, onyŋ pıkırınşe, tabylǧan olja HII ǧasyrdaǧy Qarahanidter däuırıne jatatyn boluy mümkın, būl ejelgı Tarazdyŋ güldengen kezı. Qazır olja Almatyda zerthanalyq zertteuden ötkızılude.
Sonymen qatar qalaşyqty qazuda ülken ejelgı ydystar da tabylǧan. Tarazda saz topyraqty jynystar mol, būl äsırese qyş ydystar jasauda öte baǧaly. Sondyqtan da mūnda qyştan köptegen zattar jasalǧan. Tabylǧan jädıgerlıkter jaŋǧyrtylyp, jaŋa «Ejelgı Taraz» mūrajaiynan laiyqty oryn almaq. Eŋ bastysy, tabylǧan ejelgı qala ǧimarattarynyŋ ırgetasy men qabyrǧalary Ūly Jıbek joly boiynda damyǧan qala ömır sürgenın däleldeidı, būl turaly tarihi qūjattar da bar», – deidı Täken Moldaqynov.
Eske sala keteiık, Tarazda Qazaq handyǧynyŋ 550 jyldyǧyn merekeleu kezınde respublikalyq maŋyzdaǧy tarihi eskertkış – «Ejelgı Taraz» arheologiialyq parkı aşyldy, onyŋ aumaǧynda baqylau mūnarasy, «Taraz sazdary» stelasy, «Myŋbūlaq» gülzary ornalasqan. «Ejelgı Taraz» parkı oblystyŋ halyqaralyq turistık brendı bolmaq, būl nysan EKSPO-2017 Bükılälemdık körmesıne keletın qonaqtar bolatyn oryndar qataryna engızıldı.
«Ejelgı Taraz eskertkışterı» memlekettık tarihi-mädeni qoryq-mūrajaiy 1998 jyldan bastap jūmysyn jürgızıp keledı. Taraz oblysy boiynşa 1064 tarihi-mädeni mūra bar. Qoryq-mūrajai — tarihi-mädeni mūralardy qorǧau, jöndeu, zertteu, qalpyna keltıru jäne paidalanu jūmystaryn jürgızedı. Onyŋ 29 — respublikalyq därejede, 66 — jergılıktı mänı bar nysandar.
