Atyrau tarihi-ölketanu muzeiı jaŋajädıgermen tolyqty. Osy joly arheologtar İnder audany aumaǧyndaǧy Borsyqty qorymynan qoladan qūiylǧan taiqazan tapty, dep jazady «Habar» arnasynyŋ saity.
Mamandar qazannyŋ tarihyn osydan 2500 jyl būryn Hazar teŋızın mekendegen sarmattar däuırımen bailanystyryp otyr. Būl jädıgerler – bızdıŋ däuırımızge deiıngı 3-5 myŋ jyldyqtardyŋ mūrasy. Syiymdylyǧy şamamen 100 litrlık myna taiqazannyŋ bır erekşelıgı – maiysyp, qabystyrlǧan. Mamandar qazannyŋ büiırınen 27 tesık tapty. «Demek, otbasynyŋ basty qūndylyǧy sanalatyn dünie ädeiı ısten şyǧarylǧan», – deidı ǧalymdar.Tabylǧan qazanǧa qatysty Ä.Marǧūlan atyndaǧy arheologiialyq institutynyŋ bölım meŋgeruşısı Arman Beisenov pıkırın bıldırdı.
«Qazannyŋ osyǧan deiıngı iesı qaitys bolǧan boluy kerek. Mümkın iesınıŋ artynan jalǧastyratyn ūrpaǧy bolmaǧan boluy kerek dep oilaimyz. Demek, sol janūianyŋ äldeqandai sebeptermen ūrpaǧy jalǧaspai qalǧan. Borsyqty qorymynan mūnan özge 20-ǧa juyq köne jädıger tabyldy. Onyŋ ışınde sarmattar däuırıne jatatyn iısmai qūiatyn qūty, temırden soǧylǧan kezdık pen qylyş, qairaq tas sekıldı būiymdar bar. Mamandardyŋ nazaryn audarǧan taǧy bır närse myna süiekten jasalǧan qasyq boldy», - deidı A.Beisenov. Oblystyq tarihi-ölketanu muzeiınıŋ direktory Raşida Haripovanyŋ aituynşa tabylǧan jädıgerler saq-sarmat däuırıne jatady.«Būryn mysaly qazandar bıren-saran tabylǧanymen, süiek qasyq alǧaş tabylyp otyr. Muzeidıŋ arheolog mamandarynyŋ paiymdauynşa, būl jerge äiel adam jerlengen boluy mümkın. Atyrau oblysynda arheologiialyq qazba jūmystary onan ärı jalǧasuda. Būǧan deiın elımız boiynşa üşınşı altyn adam tabylǧan «Araltöbe», altyn äşekeilı äiel mürdesı şyqqan «Qorǧanşa» men bes qaruy belıne bailanǧan hanşa tabylǧan «Aqtöbe» qalalarynyŋ orny talai syrdy ışıne bügıp jatqany anyq. Sondyqtan bır kezdegı sarmattar men saqtardyŋ otany bolǧan öŋır ǧalymdardyŋ qyzyǧuşylyǧyn arttyryp otyr», - dedı R.Haripova.
