Äliia Nazarbaeva Qazaq handyǧynyŋ 550 jyldyǧyna orai qolǧa alynǧan «Qazaq elı» tarihi köpseriialy filmınde basty roldı somdauy mümkın. Kartinanyŋ prodiuserı Arman Äsenovtıŋ mälımdeuınşe, Äliia Nazarbaevamen bügınde Ämır Temırdıŋ nemeresı Räbiia sūltan begımnıŋ rolın somdau turaly kelıssözder jürzılude. Tamyz aiynda bastalǧan tüsırılım jūmystary bügınde Almaty oblysy Ūiǧyr audanyna qarasty Şoşanai auylynda jürıp jatyr. Al, qys mezgılınde tüsırılım toby «Qazaqfilm» kinostudiiasynyŋ jabyq pavilondarynda saraidyŋ ışkı körınısterın tüsıruge köşedı.
XV ǧasyrdyŋ orta tūsynan bastau alatyn körkem film tek qazaq tılınde körsetıledı jäne basty rolderge şetelden akterler şaqyrylmaǧan. Onda Qazaq handyǧynyŋ qazyǧyn qaqqan Kerei men Jänıbektıŋ jäne olardan keiın handyqty basqaryp, bekuıne yqpal etken Būryndyq, Qasym handardyŋ qily taǧdyry tolyqtai baiandalmaq.
Telehikaianyŋ basty keiıpkerlerın qazaqstandyq tanymal akterlar Erkebūlan Daiyrov (Jänıbek), Qairat Kemalov (Kerei), Aian Ötepbergenov (Būryndyq), Doshan Joljaqsynov, Dimaş Ahimov, Janar Sahat (Äbılqaiyrdyŋ äielı), Şūǧyla Saparǧaliqyzy (Kereidıŋ äielı), Madina İsmanova (Jänıbektıŋ äielı) somdaidy. Sonymen qatar, osynau tuyndyǧa qazaqstandyq ärtıstermen qatar Hakasiia, Tuva, Özbekstan elınıŋ akterlerı de atsalysady. Al, triukterge belgılı kaskader Jaidarbek Künǧojinovtıŋ komandasy jauap beredı.
Tanymal rejisser Rüstem Äbdıraşevtıŋ jetekşılıgımen jüzege asatyn jobanyŋ ssenariın Smaǧūl Elubai men Timur Jaqsylyqov jazǧan. Al, filmnıŋ prodiusserı - Arman Äsenov.
Aita keteiık, 10 seriialy «Qazaq elı» tarihi filmı 2016 jyldyŋ nauryz aiynda körermen nazaryna ūsynylmaq.
