Qarjy ministrlıgı salyqtan jaltarǧan räsıpkerlerdı anyqtau üşın aqşalai audarymdar tekserıletının mälımdegen edı
Qazaqstandyqtardyŋ aqşa audarymdaryn tekseru mäselesı älı talqylanyp jatyr. Būl turaly bügın ūlttyq bank töraǧasy Erbolat Dosaev mälımdedı, dep habarlaidy Sputnik Qazaqstan tılşısı.
"Qarjy ministrlıgı Kaspi bank arqyly jasalatyn aqşa audarymdaryna salyq salady dep oilamaimyn. Tek osy tölemderden salyq tölenıp-tölenbegenın körıp otyrǧysy keledı. Būl mäselenı ūlttyq bank pen qarjy ministrlıgı bırlesıp qarap jatyr. Qolma-qol aqşasyz tölem jasau kölemı ūlǧaisa, biudjetke tüsetın kırıs te artuy kerek dep oilaimyn. Būl qalypty närse, sebebı aqşa köleŋkelı ekonomikadan şyǧady", - dedı Dosaev jurnalisterge bergen sūhbatynda.Ol būl mäsele tek Kaspi bankke ǧana emes, bükıl bank sektoryna qatysty ekenın qadap aitty. "Köleŋkelı ekonomikanyŋ ülesın azaitu baǧytyndaǧy bırlesken jūmys qosymşa tabys alu türındegı oŋ nätijelermen jalǧasqanyn qalaimyz. Būl äzırge qarjy ministrlıgınıŋ ūsynysy ǧana, bank qauymdastyǧymen talqylanyp jatyr", - dedı ūlttyq bank töraǧasy. Būǧan deiın qarjy ministrlıgı salyqtan jaltarǧan käsıpkerlerdı anyqtau üşın aqşalai audarymdar tekserıletının mälımdegen edı. Qarjy vise-ministrı Ruslan Eŋsebaevtyŋ aituynşa, qazırgı uaqytta Kaspi Gold tölem jasaudyŋ eŋ jiı qoldanylatyn türı. Alaida tölem jüiesı salyq zaŋnamasynyŋ talabyna sai emes. Vedomstvo basynda Kaspi.kz arqyly audarym jasauǧa tyiym saludy oilapty. Bıraq, būl el ekonomikasyna kerı äserın tigızuı mümkın degen paiymǧa kelgen.
