Aqmola oblysy polisiia departamentı äkımşılık sot şeşımımen qamauda otyrǧan Dulat Aǧadıldıŋ "qaşyp ketkenın" aitady. Būl habarǧa kümän keltırgen qūqyq qorǧauşylar men jaqtastary belsendınıŋ "qaşqany" jaily videony körsetudı talap ettı.
"VİDEONY KÖRSETUDI TALAP ETEMIZ!"
Qaraşanyŋ 14-ı künı Nūr-Sūltan qalasynda Qazaqstan ışkı ıster ministrlıgı aldyna jinalǧan bır top azamat jergılıktı belsendı Dulat Aǧadıl turaly tolymdy aqparat berudı talap ettı. Narazylarmen söilesken Işkı ıster ministrlıgı äkımşılık polisiia komitetınıŋ ökılı, polisiia polkovnigı Kärım Jarylqasynovtyŋ aituynşa, Aqmola oblysy Selinograd audany ortalyǧy Aqmol kentındegı uaqytşa qamau izoliatorynda äkımşılık qamauda otyrǧan jalǧyz adam – belsendı Dulat Aǧadıl ǧana otyrǧan.
- Baqylau kamerasyna onyŋ kiımın kiıp, jaryqty öşırıp kameradan şyqqany, dälızde ary-berı seruendep jürgenı jazylǧan. Aiaǧy auyratynyn aitqan soŋ oǧan dälızde seruendeuge rūqsat bergen. Keşe ol kezekşınıŋ telefonǧa jauap berıp jatqan sätın paidalanyp, bırınşı qabattaǧy terezenıŋ syrtqy tory aşyq qalǧanyn körgen soŋ, sol arqyly syrtqa şyǧyp ketken, ızderı bar, - dedı Jarylqasynov.
"Küieuım bügın şyǧuy tiıs bolatyn, qaşyp ketken degenge senbeimın, baqylau kamerasynyŋ jazbasyn körsetuıŋızdı sūraimyn" degen Dulat Aǧadıldıŋ jūbaiyna äkımşılık polisiia komitetı ökılı Jarylqasynov:
- Bügın emes, Dulat Aǧadıl qaraşanyŋ 19-y künı şyǧuy tiıs bolatyn. Sebebı, aldyŋǧy merzımıne "sotty qūrmettemegenı üşın" taǧy bes täulık jaza merzımı qosylǧan, ol turaly sot qaulysy bar, - dep jauap berdı.
Baqylau kamerasyndaǧy jazbany körsetudı talap etken belsendınıŋ tuystary men jaqtastaryna ol Selinograd audandyq polisiia bölımınen män-jaidy anyqtauǧa bolatynyn aitty.
Belsendı Bibıgül Tūiaqovanyŋ äleumettık jelıdegı transliasiiasy:
"QAIDA EKENI BELGISIZ"
Polisiia qyzmetkerlerınıŋ äkımşılık sot şeşımımen qamauda otyrǧan Dulat Aǧadıldıŋ "qaşyp ketkenın" habarlap, ony ızdeuge kırıskenı turaly qaraşanyŋ 13-ı künı äleumettık jelıde nūr-Sūltandyq belsendı Nūrjan Seiıtjanov habarlaǧan. Ol särsenbı künı üiıne "Aǧadıldı ızdep kelgen" poliseilerdıŋ divannyŋ astyna üŋılıp, tekserıp jatqan sätınen tüsırılgen videony jariialaǧan.
Beisenbı künı Azattyq tılşısı söilesken Dulat Aǧadıldıŋ advokaty Daniiar Aqtanov uaqytşa qamau izoliatoryna kıruge rūqsaty bolmaǧandyqtan qolynda belsendı jaily eşqandai aqparat joǧyn, qazır onyŋ qaida ekenın bılmeitının aitty. Onyŋ sözınşe, qamauda bolǧan kezde Aǧadıl eşkımmen bailanysqa şyqpaǧan.
- Qaşyp kettı me, älde qaşpady ma, nemese basqa jaqqa alyp kettı me, ol jaǧy äzırge tüsınıksız, - dedı ol.
Aqtanov qaraşanyŋ 13-ı künı keşke Aǧadıldıŋ üstınen qozǧalǧan ıstı jürgızıp jatqan tergeuşıge telefon şalyp, belsendı turaly aqparat tüsse özıne habarlauyn sūraǧanyn aitty.
Qazaqstandyq qūqyq qorǧauşylar men belsendıler bilıktı Dulat Aǧadılge bailanysty barlyq män-jaidy anyqtap, barlyq aqparatty jariialauǧa şaqyrdy.
42 jastaǧy Dulat Aǧadıl azamattyq qūqyqtar men saiasi bostandyqtardyŋ saqtaluyn talap etıp jürgen belsendı retınde tanymal. Ol bilıkke narazylyq aksiialaryna qatysqany üşın būǧan deiın bırneşe ret äkımşılık qamauda bolǧan. Soŋǧy ret qaraşanyŋ 4-ı künı Aqmol kentınde "sotqa aparmaq bolǧan polisiianyŋ zaŋdy talabyna baǧynbaǧan" degen aiyp taǧylyp, sot şeşımımen 10 täulıkke qamalǧan.
Oǧan deiın, qazannyŋ 28-ı künı Selinograd audandyq soty Dulat Aǧadıldı "qazannyŋ 17-ı künı audandyq polisiia bölımınde bilık ökılderınıŋ talabyna moiynsūnbaǧan" degen aiyppen 10 täulıkke qamauǧa şeşım şyǧarǧan.
Belsendıler Dulat Aǧadıl (sol jaqta), Äliia Jakupova men Nazym Serıkpekova äkımşılık sotta otyr. Nūr-Sūltan, 25 tamyz 2019 jyl.
Tamyzdyŋ 27-ı künı Nūr-Sūltandaǧy mamandandyrylǧan audanaralyq äkımşılık soty belsendı Dulat Aǧadıldı "şeru ötkızu tärtıbın būzdy" dep aiyptap, on täulıkke qamaǧan. Advokaty Daniiar Ahtanovtyŋ aituynşa, äkımşılık sot belsendınıŋ üstınen bır künde ekı sot ötkızgen. "Beibıt miting, şeru, piket ötkızu tärtıbın būzu" baby boiynşa aiyp taǧylǧan ony bır sudia aqtasa, ıle-şala ekınşı sot bolyp, basqa sudia däl sol bappen aiypty dep tanyp, on täulıkke qamady" degen advokat.
Sodan üş künı būryn, tamyzdyŋ 24-ı künı Dulat Aǧadıl "polisiiaǧa baǧynbady" dep aiyptalyp, bes täulıkke qamalǧan edı. Sot ony tamyzdyŋ 24-ıne Nūr-Sūltan polisiia departamentınıŋ aldynda "zaŋsyz aksiia ötkızdı" dep aiyptap, dälel retınde belsendılerdıŋ tamyzdyŋ 23-ı AQŞ elşılıgı men Äzıret Sūltan meşıtı aldyndaǧy "saiasi tūtqyndardy" bosatudy talap etken narazylyqtan tüsırılgen videony paidalanǧan.
Dulat Aǧadıl özıne taǧylǧan barlyq aiyptardy joqqa şyǧaryp, moiyndamaitynyn mälımdegen.
Biyl mausymnyŋ 9-y, Qazaqstanda kezekten tys prezident sailauy ötken künı Nūr-Sūltanda poliseiler Azattyq radiosynyŋ tıkelei efirıne bara jatqan Dulat Aǧadıldı ūstap, Esıl audandyq polisiia bölımıne aparǧan. Keiın belsendı polisiia bölımınde bilık ökılderı özıne küş körsetkenı turaly mälımdegen.
Belsendı Dulat Aǧadıldıŋ jaraqat alǧany turaly därıgerdıŋ anyqtamasy. 18 mausym 2019 jyl.
- Bır maior men ekı-üş adam ūryp tepkılep, qolymdy şyǧaryp jıberdı. İyǧym kögerıp, ısıp ketken soŋ jedel järdem şaqyryp edı, olar №1 qalalyq emhana alyp bardy. İyǧy şyqqan dep salyp, gipstep berdı, - degen ol Azattyq tılşısıne.
Dulat Aǧadıl polisiianyŋ üstınen sol künı tünde kezekşı prokurorǧa aryzdanǧan. Sonymen bırge ol Bas prokuraturaǧa mausymnyŋ 9-ynda polisiia tärkılep alyp ketken telefonyn qaitarudy sūrap, şaǧym jazǧan.
Belsendınıŋ şaǧymy boiynşa qandai şara qabyldanǧanyn Bas prokuratura habarlaǧan joq.
"Azattyq" radiosy
