İnternet iırımın şarlap ketken osy hat Özbekstan prezidentınıŋ qyzyna tiesılı deidı. Endeşe oqyp şyǧyp, anyq-qanyǧyna köz jügırtıŋızder.
ÖZBEKSTAN PREZİDENTI MİRZİIoEVTIŊ ÜLKEN QYZY SAİDA MİRZİIoEVANYŊ ÄKESINE JOLDAUY.
Prezident Şavkat Mirziioevtıŋ ülken qyzy Saidanyŋ közındegı mūŋdy kım kördı? Ol jaqyn künderı ūly Miromonmen Taşkentte ötıp jatqan qaisybır suretşınıŋ körmesınde jürgenınde közderınde qandai da bır tereŋ mūŋ, qaiǧy bar edı.
Aitularyna qaraǧanda Saida demalys künderın syltauratyp üş kün üiınde bolmaǧan. Şeşesıne qyşlaqqa baryp, ondaǧy qarapaiym halyqtyŋ tūrmys jaǧdailarymen tanysamyn degen jeleumen, äkesınen rūqsat äperuın ötınedı. Äkesınıŋ rūqsatyn alǧan Saida Mirziioeva būl üş künın eks prezident İslam Karimovtyŋ türmede jatqan ülken qyzy Gülnara Karimovanyŋ qasynda ötkızedı.
Sol üş kün ışınde türmede jatyp körgen-bılgenınıŋ bärın oi elegınen ötkızıp, äkesıne tömendegı mazmūnda joldau jazady:
- Äkeşım! İslam Karimov aiaq astynan qaitys bolyp, Sız prezident bolǧanyŋyzda anam, men jäne sıŋılım, jalpy bızdıŋ otbasymyz baqyttan basymyz ainalyp, kökte ūşyp jürgendei äserde boldyq. Sebebı bır künnıŋ ışınde bız Özbekstannyŋ eŋ küştı, eŋ baqytty otbasyna ainalyp şyǧa keldık.
Ne ıstep, ne qoiarymyzdy bılmei qaldyq. Eŋ qymbat kiımnıŋ qaisysyn kiiudı, eŋ qymbat äşekeilerdıŋ qaisysyn taǧarymyzdy bılmei dal boldyq. Sonyŋ arasynda Sız menı jäne sıŋılım Şahnozany joǧary lauazymdy jūmystarǧa qoidyŋyz. Köpşılıktıŋ nazary Sızge jäne bızdıŋ otbasymyzǧa qarai audy. Prezident bolǧanyŋyzdan keiın künde keşke janūiamyzben "Ahborot" baǧdarlamasynyŋ jaŋalyqtaryn körudı ädetke ainaldyrdyq. Teledidardan basynan aiaǧyna deiın "Asa qūrmettı prezidentımız bylai dep aitty, süiıktı prezidentımız mynadai tapsyrma berdı "-degen siiaqty Sızge qaratyla aitylǧan maqtaulardy esıtıp töbemız kökke jetetın edı. Teledidar qarap otyryp közımnıŋ qiyǧymen özıŋız jaqqa qaraǧanymda osy aitylyp jatqan maqtaulardyŋ bärı Sızdıŋ janyŋyzǧa jaǧyp jatqanyn sezetınmın. Bärımız de eldegı äigılı adamdar retınde tanyla bastadyq. Men özım äleumettık jelılerde Özbekstannyŋ jaŋa hanşaiymy retınde tanymal boldym. Sol üşın bır orynda tūrmai, ärqaşan eldıŋ nazaryn özıme audartuǧa tyrysyp baqtym. Bır künı äleumettık jelıden bır paidalanuşynyŋ "Keleşekte Saida Mirziioevanyŋ taǧdyry Gülnara Karimovanyŋ taǧdyryn qaitalauy mümkın"-degen pıkırın oqyp qaldym.
Älgı paidalanuşynyŋ pıkırın oqyp, töbe şaşym tık tūrdy, közım qantalap qabyldauyŋyzǧa baryp pıkır jazǧan adamdy jerdıŋ astynan bolsa da tauyp, öltırıp jıbertıŋız dep aitpaqşy boldym. Bıraq köŋılım alai-dülei bolyp ışımnen: "sonda qalai?, sonda qalai bolǧany?"-dei berıppın. Älgı äleumettık jelını paidalanuşynyŋ "Şavkvt Mirziioev İslam Karimov siiaqty eldı ūzaq basqara almaidy. Eger osy ketısı bolsa özı de, otbasy da Karimovtyŋ janūiasynyŋ taǧdyryn qaitalauy mümkın"- dep pıkır jazǧan edı. "Sonda men de äkem prezidenttıkten ketkennen keiın Gülnara Karimovanyŋ kebın kiıp, ömırımnıŋ qalǧanyn türmede ötkızemın be? Menıŋ süiıktı ūlym - Miromon İslam Karimovtyŋ nemeresı kışı İslam Karimov siiaqty şetelde qaşyp-pysyp qaŋǧyryp qala ma?"-degen oi janymdy jegıdei jedı. Sodan keiın menıŋ jüzımnen prezidenttıŋ ülken qyzy degen baqyttyŋ nyşany kettı, bıraq özımdı düniedegı eŋ baqytty äiel retınde körsetuge mäjbürledım. Kündız külkıden, tünde ūiqydan aiyryldym. Sebebı köz aldymnan türmede jatqan Gülnara Karimovanyŋ sūlbasy ketpei qoidy.
Men anama "Qalanyŋ tırlıgınen şarşadym, äkemnen rūqsat alyp berıŋız, auyl tūrmysymen tanysyp qaitaiyn"-dep qolqa saldym. Sızdıŋ rūqsatyŋyzdy alǧannan soŋ küieu balaŋyzǧa menı Gülnara Karimova jatqan türmege alyp baryp, onymen kezdestıruın ötındım. Ol kısı kelısıp, menı Gülnara Karimova jatqan türmege äkeldı. Gülnara apaǧa taqqan jaŋa aiyptaulardan keiın onyŋ jalǧyz özın jeke kameraǧa auystyrǧan eken. Men basyma parik kiıp kırgen bolatynmyn. Alǧaşynda Gülnara apa menı tanymady, basymdaǧy pariktı şeşkennen soŋ "Saida, Saida sız be?"-dep bozdaǧan küiı moinyma asyla kettı. Men qolymdaǧy parikpen onyŋ auyzyn basyp, dauys şyǧarmauyn, menıŋ kelgenımdı eşkımnıŋ bılmeuı kerektıgın aittym. Sosyn şamaly tynyştaldy. Bız orys tılınde söilestık. "Saida, sız menı qūtqaruǧa keldıŋız be?"- dedı. "Men būl jerge sızdıŋ jaǧdaiyŋyzǧa tüspeiın dep, sız siiaqty ömırımnıŋ qalǧanyn türmede ötkızbeiın dep, sızdıŋ taǧdyryŋyzdy qaitalamaiyn dep. Sızden aqyl-keŋes sūraiyn dep. Osy jaǧdaiǧa tüsuıŋızge ne sebep bolǧanyn sūraiyn dep keldım. Eger sız maǧan bärın jasyrmai, tek aqiqatty aitatyn bolsaŋyz men äkeme aityp, kömektesuge äreket etıp köremın"-dedım.
Äkeşım! Sız sol kezde Gülnara Karimovanyŋ ne degenın bılesız be? "Diktator äkem İslam Karimovke laǧynet jausyn!". Onyŋ būl sözderı menıŋ jüregıme qanjar bolyp qadaldy.
Men oǧan "Gülnara apa, qoiyŋyz olai demeŋız. Adam öz ata-anasyn qarǧai ma eken"-dep edım ol taǧy da: "Menıŋ äke-şeşeme laǧynetter jausyn"-dedı. Menıŋ osy jaǧdaiǧa jetuıme solar kınalı. Äkem ylǧi da sıŋılım Lola ekeumızdı bır-bırımızge qarsy qoiatyn. Qit etse "äne Gülnara senen jaqsy, saǧan qaraǧanda jaqsy oqidy, aqyldy"-dep nätijesınde ekeumızdı bır-bırımızge jau qylyp qoidy. Äkem prezident bolǧannan keiın menıŋ qarsy bolǧanyma qaramastan Auǧanstannyŋ bır bai özbegınıŋ balasyna küieuge berdı. Ömırım ömır bolmady. Aqyry ajyrasyp kettık. Äkem öz aiybyn bılıp menıŋ betımnen qaqpai Özbekstannyŋ hanşaiymy boluyma tolyq jol aşty. Şetelge halyqtyŋ jäne memlekettıŋ qarjysyn, qymbat metaldaryn alyp ketuıme tolyq mümkındık jasap berdı. Şveisariiadaǧy villamdy da äkem men üşın satyp aldy. Men janūialyq baqytsyzdyǧymdy bailyq pen toi-duman, läzzatty ömır sürıp ūmytqym keldı. Eşkım mysyǧyma "kış" dep aita almaityn edı ol kezderı. Aitqanym aitqan, degenım degen. Bır aqymaq äieldıŋ qiialyna ne kelse, sonyŋ bärın ıstedım. Äkemnıŋ būnyŋ bärınen habary boldy, bıraq ündemedı. Äkeme bır emes, myŋ laǧynet jausyn! Ol zalym diktator edı. Ol jalǧyz menı emes, bükıl Özbekstan halqyn baqytsyz ettı, kedei ettı! Özbekstandy oiynşyqqa ainaldyrdy. Özı qürǧan ŪQQ (ūlttyq qauıpsızdık qyzmetı) qylmystyq mekemesın adamdardy jazalau maşinasyna ainaldyrdy". Men Gülnara apadan "Osy ıstegenderıŋız üşın ökınesız be?"-dedım, ol "iä, ökınemın. Bıraq endı onyŋ paidasy joq"-dedı. Söitıp men üş künımdı Gülnara Karimova jatqan türmede ötkızdım. Onyŋ kamerasynda jatatyn jalǧyz tösek oryn bolǧandyqtan ekeumız kezektesıp jatyp ūiyqtadyq. Men ol ūiyqtap jatqanda özımnıŋ bolaşaǧymdy kördım. Älı jasy eluge jetpegen äiel menıŋ közıme qartaiyp aljyp, esınen auysqan mystan kempır bolyp körındı. Äkeşım, Sızdıŋ bolaşaǧyŋyz özıŋız ūstaz tūtqan İslam Karimovtyŋ bolaşaǧyndai, menıŋ bolaşaǧym Gülnara Karimovanyŋ bolaşaǧyndai bola ma? Äkejan, būl degenıŋız azap qoi. Būl degenıŋız Sız, men bükıl äuletımız, memleketımız, halqymyz üşın ülken joiqyn apat qoi! Bır künı bastyǧymnan "Özbekstanda nege söz jäne baspasöz erkındıgı joq"-dep sūradym. Ol kısı ülken aiyp jasaǧan adam siiaqty qinalyp, sūraǧyma jauap bere almady. Äkeşım, Özbekstanda söz jäne baspasöz erkındıgı joq ekendıgı aqiqat qoi. Sız prezident bolǧan kezde üi-ışımızben teledidardan jaŋalyqtardy bırge köretınbız, "prezidentımız, prezidentımız" degen sözder qūlaqty sarsytyp bıtkenı ras qoi. Endı kelıp öz üiımızde "Ahborot" jaŋalyqtaryn körmei qoiǧanymyzdy halyqtan jasyryp qaitemız, äkeşım?! Sızdıŋ saiasi reforma jürgızbei jatqanyŋyz, sailaudyŋ ädıl ötpei jatqandyǧy, "Olii majliske" sızge yŋǧaily jandardyŋ sailanyp jatqandyǧy aqiqat qoi, Özbekstanda Karimovtyŋ däuırındegıdei mūsylmandarǧa qarsy ärtürlı şaralar jasalyp jatqandyǧy, mūsylman äielderdıŋ bastarynan hidjapty küşpen sypyryp alyp jatqandary ras qoi, äkejanym! Millindaǧan özbektıŋ kün körıstıŋ qamymen şet elde jürgenın bylai qoiǧanda taǧy milliondaǧan adam jūmyssyzdyqtyŋ, kün saiyn yşqynyp bara jatqan qymbatşylyqtyŋ kesırınen qorjyndaryn tüiıp, jūmys ızdep şetel keteiın dep jürgenınen bärınıŋ de habary bar ǧoi. Äkeşım, men türmede Gülnara Karimovanyŋ qasynda üş kün jatyp, közım şaidai aşyldy. Şyndyqtyŋ bärın tüsındım. Eger Sız Karimov siiaqty diktator bolatyn bolsaŋyz halqymyz jäne memleketımızdıŋ qūrdymǧa keterın qazırden körıp tūrmyn. Eger osy ketısı bolsa Qytaidyŋ Zambiiany satyp alǧany siiaqty, Özbekstandy da satyp aluyna eş kümandanbaimyn. Odan keiın baiǧūs özbek halqynyŋ basyna qazırgı ūiǧyr halqynyŋ basyna tüsken qaraly kün tusa bız ne degen adam bolyp qalamyz, äketaiym?! Äkeşım, bala künımnen moinyŋyzǧa asylyp, betıŋızden süigendı jaqsy köretınımdı özıŋız bılesız. Ömır boiy özıŋızge solai erkelep, ardaqtap ötsem deimın. Künderdıŋ künınde men Gülnara Karimovanyŋ öz äkesın qarǧaǧany siiaqty Sızge laǧynet jaudyrudy müldem qalamaimyn. Sız prezidenttıkten ketken soŋ ömırımnıŋ türmede şıruın qalamaimyn, äkeşım. Äkeşım, süiıktı nemereŋız Miromonnyŋ, jalpy janūia müşelerımızdıŋ türmede nemese şetelde qaşyp, qaŋǧyryp jürgenın qalamaimyn. Keleşekte basymyzǧa osyndai azapty künder tüspesın deseŋız osy bastan diktaturadan bas tartyŋyz, ÄKEŞIM! DİKTATURADAN bas tartyŋyz, ÄKEŞIM!
QŪRMETPEN QYZYŊYZ SAİDA.
