Ädette oblys ortalyǧyna nazar audarylyp, auyl-aimaqtar nazardan tys qalyp jatatyny jasyryn emes. Alaida Jambyl obysynyŋ äkımı Asqar Myrzahmetov Taraz qalasynan bölek audan ortalyqtarynyŋ da sändı boluyna nazar audaryp otyr.
Mäselen, Jambyl oblysynda «Auyl – el besıgı» jobasy qolǧa alynyp, osynyŋ arqasynda bırneşe audannyŋ ortalyǧy jaŋartylyp jatyr. Oblys äkımdıgınıŋ ekonomika jäne biudjettık josparlau basqarmasynyŋ basşysy Güldana Jauynbekovanyŋ aituynşa, joba aiasynda oblystyŋ 3 audan ortalyǧynda 108 joba jüzege asyryluda. Oǧan respublikalyq biudjetten bölıngen 2,77 milliard teŋge qarastyrylypty. Onyŋ ışınde 104 joba äleumettık, tūrǧyn-üi kommunaldyq şaruaşylyǧy, kölık infraqūrylymdary nysandaryn jöndeuge baǧyttalsa, tört joba boiynşa äleumettık nysandardyŋ qūrylysy jürgızılude eken.
Atap aitar bolsaq, Jambyl audany Asa auylyndaǧy ämbebap zaly bar sporttyq-sauyqtyru keşenınıŋ qūrylysy, Şu audanynyŋ ortalyq audandyq auruhanasyna japsarlas ǧimaratynyŋ, Şu audany Töle bi auylynda «Mädeniet üiınıŋ» jäne ämbebap zaly bar sporttyq-sauyqtyru keşenınıŋ qūrylysy jürgızılude. Barlyq jobalar boiynşa jūmystar bastalyp, jürgızılude desek, 85 joba aiaqtalyp ülgerılgen. Al, tört joba keler jylǧa ötpelı.
Jalpy «Auyl – el besıgı» jobasynyŋ qoldanysqa engızılgenıne auyl halqy dän riza. Solardyŋ bırı Jambyl audany Asa auylynyŋ tūrǧyny Serık Batyrbekūly.
«Bızdıŋ audan ortalyǧymyz qalanyŋ ırgesınde ornalasqanymen jaǧdaiy tömen bolatyn. Alaida «Auyl – el besıgı» jobasynyŋ arqasynda auylymyzdyŋ ärı kırıp, köptegen igı ıster atqaryldy. Sondai-aq aldaǧy uaqytta Abai köşesınıŋ boiynan sporttyq-sauyqtyru keşenı salynyp, paidalanuǧa berıdeiın dep jatyr. Būl men siiaqty 4 ūl ösırıp otyrǧan ata-ana üşın ülken quanyş. Sebebı balalarym bos uaqytynda sportpen ainalysyp, uaqytyn tiımdı paidalanatyn bolady» – deidı ol
Keler jyldan bastap üş audany «Auyl – el besıgı» jobasyna enıp otyr.
«2020 jylǧa oblystyŋ 3 auylynda Qordai audany Qordai auyly, Merkı audany Merkı auyly, Sarysu audany Saudakent auylynda barlyǧy 53 joba jüzege asady dep josparlanǧan. Oǧan 2 milliard teŋge limit belgılenıp, tiıstı qūjattar QR Ūlttyq ekonomika ministrlıgıne ūsynyldy», - deidı Güldana Jauynbekova.
«ADYRNA»
ūlttyq portaly
