Serık Elıkbai. "Aina"

Kolhoz bastyǧynyŋ qyzy bolǧannan ba, tek osylardyŋ üiınde ǧana adam boily aina bolatyn. Alys jolǧa şyǧar sylqym kelınşek, jat bosaǧasyn attar -ürkek ümıt auyl qyzy osy ainanyŋ aldynda aial tabatyn. Jalǧyz bala, jalqy qyzdyŋ alǧaş mektep tabaldyryǧyn attaǧanda, özgege arman şaǧyn aina sömkesınde bolatyn. Qol jetpes kümıs sapty ainanyŋ säulesı jas qyzdyŋ qiialyndai qyr asa beretın. Qyz bala tal şybyqtai taralyp, özgeşe, has sūlulyqty serık etıp östı. Mektep bıtırgen kezde osy aimaqta būndai bet bıtkennıŋ körkemı joq bolatyn. Qazaq degen eldıŋ jyrlarda aitar keiıpkerı, tostyrmai kelgendei. Uyz öŋ, şärbet erın qyz qinalmai joǧarǧy oquǧa tüstı. Egde, jas er oqytuşylar būnyŋ därıshanasynda kümılji, şıderlene beretın. Hor erkesı närkes közben baǧasyn bılıp, tättılıgın tanyp alǧan. Oqudan soŋ oblystyq äkımşılıkte qyzmetke qalǧan. Qala ortasyndaǧy jūmaq päterdıŋ juynar bölmesın bütın ainalap tastaǧan... Meŋsız märmär denesın öz közınen qyzǧanatyn. Köŋılsız köpekterden ırgesın bölek salatyn... Tek osylyq patşazada keluı tiıs... Tūrmysqa şyqsaŋşy der ata-ana tılegı qaraŋǧylyqtyŋ ükımındei estıletın. Ūzaq tosty... Qyzyldyŋ qyzyǧy, armannyŋ ūzyny üzılgendei.. Jien tosqan peiılderınıŋ jeŋı jyrtylyp , ata-ana qaitty... Üiıne kelgısı kelmeitın. Juynar bölmedegı ainanyŋ bärın bır künı tas-talqan jasady. Ainany qolǧa almaityn boldy.  Ar jaqtaǧy köp äjım mazaq jasardai. Zeinet jasqa bır ai qalǧanda.. ömırden ozdy. Alys tuystary betın jappaqşy bolyp aina ızdep edı... EMGE JOQ EKEN.