Qala jastarynyŋ arasynda türlı aksiialar men qaiyrymdylyq ısterı belsendı ötkızılıp keledı. Osy baǧytta Almaty qalasy äkımşılıgınıŋ qoldauymen qūrylǧan «Erıktıler ligasy» jūmys ısteidı. Äleumettık jelılerde «Book for life» atty jobanyŋ keŋ taralyp jatqanyn kördık. Joba avtory Altynai Mulikova igı şara jaiynda keŋınen tarqatyp aityp berdı.
-«Book for life»-tyŋ ideiasyn jüzege asyruǧa 6 ai uaqyt kettı. Sızderge tüsınıktı boluy üşın negızgı jūmys barysyn aityp bereiın: bız kıtaptardy jinap, arnaiy qaptamaǧa oraǧannan keiın syrtyna şyǧarmanyŋ qysqaşa mazmūnyn jazamyz. Avtor da, tuyndynyŋ aty da körsetılmeidı. Mūndaǧy basty maqsat- kıtaptyŋ bar qazynasy syrt körınısıne bailanysty emes ekendıgın jetkızu boldy. Barlyq kıtap bırdei baǧada, 700 teŋgeden satylymǧa şyqty. Olardyŋ arasynda türlı baǧaly ensiklopediialar da, şetel, qazaq ädebietı de, klassika men şytyrman oqiǧalar da, jalpy aitqanda, barlyq janrdaǧy kıtaptar boldy. Būl qaiyrymdylyq şarasy bolǧandyqtan, kıtaptarymyzdyŋ basym köpşılıgı būryn qoldanysta bolǧan, ūqypty ūstalǧan. Bır quantatyny: satyp aluşylar men kıtap ötkızuşılerdıŋ denı- jastar. Iаǧni, osy jerde «jastar kıtap oqymaidy» degen qasaŋ qaǧidanyŋ qate ekenın köre alamyz.
Şaramyz «Azamat 3.0» baǧdarlamasynyŋ kömegımen jüzege asyp jatyr. Kıtaptardy jinap, ırıktep, qaptap, mazmūnyn jazuda «Erıktıler ligasy» köp kömek körsettı. Alǧaşynda qorqynyş bolǧany jasyryn emes. Qiyndyqtar da köp kezdestı. Dese de, qazırgı taŋda Almaty qalasyndaǧy joǧarǧy oqu oryndarynda, sauda ortalyǧynda kıtap körmesın ūiymdastyryp ülgerdık. Joba aiasynda Şymkent qalasyna barudyŋ da sätı tüstı. Aldaǧy uaqytta respublika kölemıne taralsaq degen niet, jospar bar.
Joǧaryda aityp ötkendei, qalyŋdyǧy men qūndylyǧyna qaramastan, barlyq kıtabymyz 700 teŋgeden satylady. Jinalǧan qarjy onkologiialyq auruy bar balalarǧa kömek esebınde tiıstı orynǧa berıledı.
Būrynnan balalarǧa kömekteskım keletın. Sebebın qaidam, közıme balalar jiı elesteidı. Sondyqtan da jobanyŋ negızgı maqsaty- balalarǧa kömek körsetu boldy.
Özıŋız de tüsınıp tūrǧan bolarsyz, onkologiialyq auruy bar bır ǧana balany emdetuge asa köp qarajat jūmsalady. Bızdıŋ şaramyz barlyq balalardy qamtuǧa negızdelgendıkten, onkoortalyqtaǧy arnaiy emdeu, oiyn-sauyq zalyna män bergımız keldı. Rasynda, balaqailar üşın būl taptyrmas quanyş, mümkındık.
-Söz soŋynda oqyrmandarymyzǧa aitaryŋyz bar ma?
- Jürekterıŋız ızgılıkke toly bolsyn degım keledı. Kıtap oqiyq, jaqsylyq jasaiyq. Şyn mänınde özımız qandai bolsaq, ainalamyz da sonşalyqty qūlpyryp tūrady ǧoi. Qūlpyryp jüre berulerıŋızge tılekşımın.
Madina Oqas
