Soŋǧy jyldary bolmaşy ıspen sotqa jügıretın azamattar paida boldy. Tıptı keide otbasylyq ūstaq-tüiek şarualarmen qūqyq qorǧau organdarynyŋ aryzdanatyn jandar kezdesıp qalyp jatady. Mıne osyndai jaǧdai tuyndai qalsa, mediasiia qyzmetıne jügıngen jön.
Jambyl olblysynda arazdasqan azamattardy Janna Mamaşeva basqaratyn «Media qyzmetkerlerı qauymdastyǧy» jastar qoǧamdyq bırlestıgı tatulastyryp jür. Atalǧan qoǧamdyq bırlestık oblystyq ışkı saiasat basqarmasynyŋ memlekettık tapsyrysy boiynşa Äulieata aimaǧynda eŋbek etude.
Qoǧamdyq bırlestık töraiymynyŋ aituynşa, ıstı sotqa deiın jetkızbei şeşu öte maŋyzdy şarua bolyp sanalady.
«Bız biyl «Bıtımger» jobasy boiynşa jūmys jasap jatyrmyz. Iаǧni arazdasqan ekı tarapty sotqa deiın mämılege keltırıp, tatulastyru baǧytynda eŋbek etemız. Jambyl oblysy sotynyŋ janyndaǧy Ardagerer keŋesınıŋ ışınen Biler keŋesı qūrylǧan bolatyn. Oŋlasyn Esırkepov basqaratyn Biler keŋesımen bırlesıp audan-audandardy aralap, oqytu seminarlaryn ötkızdık. Būdan bölek «Qazaqstandyq mediatorlar palatasy» qoǧamdyq bırlestıgınıŋ basşysy Elmira Esımbetova ūiymdastyruymen 4 kündık seminarǧa qatystyq. Negızı käsıbi mediator men qarapaiym mediatordyŋ arasynda jer men köktei aiyrmaşylyq bar. Käsıbi mediator äkımşılık pen sotqa jalpy kez-kelgen memlekettık mekemege baryp jūmys ıstei alady. Mäselen eŋbek daulary tuyndasa, mediator ony beibıt jolmen sotqa deiın jetkızbei şeşuge tyrsady. Bız atqarǧan jūmystardyŋ arqasynda Jambyl oblysynda sotqa aryzdanatyn adamdardyŋ sany aitarlyqtai azaidy. Eger de qandaida bır azamat sottyŋ şeşımıne qanaǧattanbasa Joǧary sotqa appelesiiaǧa beredı. Al mediasiianyŋ şeşımın eşqandai Joǧary nemese oblystyq sot joqqa şyǧara almaidy», – deidı ol.
Janna Mamaşevanyŋ aituynşa, aǧaiyn-tuystardyŋ arasynda mülıkke talasatyn jaǧdailar kezdesıp qalyp jatady. Alaida ol mediasiianyŋ arqasynda köptegen aǧaiyndar arazdyqty qoiyp, özara kelısımge kelgenın jetkızdı.
«Şyny kerek qazaq halqynyŋ arasynda sottasyp, bet körıspei ketetındei jaǧdai bolǧan emes. Aqsaqaldardyŋ aqylynyŋ arqasynda otbasyndaǧy keikıljıŋ auyldan asyp ketpei, öz şeşımın tauyp otyrǧany köpşılıkke belgılı. Qazırgı taŋda eskı zamandaǧy aqsaqaldardyŋ missiiasyn mediasiia qyzmetı atqaryp jatyr», – dedı ol.
Jalpy soŋǧy jyldary mediasiia qyzmetı halyqa arasynda keŋınen nasihattalyp jatyr. Sebebı halyq arasynda bolmaşy mäsele üşın sotqa jügınetın azamattar köbeiıp ketken bolatyn. Äitse de, keiıngı kezderı sottasqannan görı bıtımge kelgendı qoş köretın bolǧan.
«ADYRNA»
ūlttyq portaly
