Täuelsızdıktıŋ alǧaşqy jyldarynda naşaqorlyqqa salynǧan jastar turaly köp estitınbız. Sondyqtan da maǧan esırtkıge täueldılıkten bırjola qūtylǧan siiaqty bolyp körınedı. Öitkenı ainalamyzdaǧy tanys-tamyrlardan naşaqorlyqqa qūmartqandar kezdespeitın edı. Äitse de, «qoi terısın jamylǧan qasqyrlar» älı de bolsa aramyzda bar körınedı.
Jambyl oblysynda «Oŋtüstık-Arylu» qoǧamdyq qorynyŋ prezidentı Däuren Baǧjanov narkomaniia mäselesesımen köpten berı ainalysyp keledı. Onyŋ aituynşa, oblystyq narkodispanserde 9 myŋǧa juyq azamat tırkelgen.
«Qazırgı kezde esırtkıge täueldılıktıŋ formasy özgergen. Norkodilerler internet arqyly jastarǧa esırtkısın taratyp jatyr. Ärine ŪQK men oblystyq polisiia departamentı auqymdy jūmystar atqaruda. Onyŋ üstıne Memleket basşysy Qasym-Jomart Toqaev esırtkı boiynşa jazany qataŋdatudy tapsyrdy. Alaida būl dertpen qoǧam bolyp kürespesek, qūqyq qorǧau organdary men bız siiaqty ūiymdardyŋ şamasy naqty nätijege jetuge jetpeidı Şyn mänısınde psihologiialyq narkomaniia degen öte qauıptı dert bolyp otyr. Basqa narkomaniia bolsa, onyŋ betın qaitaruǧa bolady. Al psihologiialyq narkomaniiaǧa şaldyqqan adam 2-3 jyldan artyq ömır süre almaidy», – deidı ol.
Däuren Baǧjanov elımızdıŋ Ūly Jıbek boiynda ornalasuynyŋ artyqşylyǧymen qatar, kemşılıgı de bar ekenın aitady. Mäselen bızdıŋ territoriiamyz arqyly Auǧanstannan Resei men Qytaiǧa esırtkı zattary ötedı. Ökınışke qarai osy esırtkı zattarynyŋ belgılı bölıgı elımızde qalyp qoiatyn körınedı.
«Qazırgı taŋda naşaqorlyqtan emdeitın ortalyq Almaty men Pavlodar qalasynda ǧana bar. Bızdıŋ käsıbi mındetımız – esırtkı zattaryna täueldılerdı anyqtap, olardy atalǧan ortalyqtarǧa jıberuge qoldau körsetu bolyp otyr. Bızge naşaqorlyqqa salynǧan adamdar kezdesıp qalsa nemese habarlassa atalǧan ortalyqta emdeluge motivasiia beremız. Sūranys ūsynysty tudyrady degen bar emes pe? Menıŋ pozisiiam aurudy emdegennen qaraǧanda aldyn alǧan jön degenge saiady. Sol sebeptı de bız jastarmen jiı kezdesıp, ügıt-nasihat jūmystaryn qarqyndy türde jürgızıp jatyrmyz. Eger naqty jospar boiynşa käsıbi türde jūmys jasaityn bolsaq, aldaǧy 5-7 nemese 10 jylda jastardy būl keselge jolamaityndai ete alamyz», – deidı Däuren Baǧjanov.
«ADYRNA»
ūlttyq portaly
