Jetısu halqynyŋ üşten bır bölıgın, iaǧni 634 myŋǧa juyǧyn jastar qūraidy. Öŋırde jastar saiasatyna eleulı köŋıl bölınıp, jyl saiyn qomaqty qarjy bölınıp keledı. Biyl osy maqsatqa jergılıktı biudjetten 66 mln. 177 myŋ teŋge bölınıp, äleumettık maŋyzy bar jobalarǧa 15 mln. teŋge qarastyrylǧan. 2009 jyldan berı oblystyŋ barlyq audan, qalalary men alys auyldarynda ūiymdastyrylǧan jastar forumy biyldan bastap jergılıktı jerlerde festival türınde ötkızıldı.
Audan, qalalarda jalauyn kötergen jastar merekesınıŋ qorytyndysy osy festivalda şyǧarylyp, oza şapqandar oljaly boldy. Oblys äkımı Serık Ümbetov 1-oryn alǧan Taldyqorǧan qalasyna avtobus, 2 jäne 3-oryn ielengen Qarasai jäne Eŋbekşıqazaq audandaryna Gazel avtokölıkterınıŋ kıltterın tapsyrdy. Osy saltanatta auyr atletikadan Älem chempiony atanǧan jetısulyq sportşylar Svetlana Podobedova men Maia Manezaǧa 2 mln. 500 myŋ teŋgeden, Zulfiia Chinşanlo, Vladimir Sedov jäne bırqatar jattyqtyruşylarǧa da aqşalai syilyqtar tabys ettı. Jastar merekesıne arnaiy kelgen Qazaqstan Respublikasy Prezidentı Äkımşılıgı ışkı saiasat bölımınıŋ bastyǧy Darhan Myŋbai oblys jastarynyŋ önerlerıne rizaşylyǧyn bıldırıp, memlekettık jastar saiasatyn jüzege asyruda maŋyzy zor būl auqymdy şarany özge öŋırlerge ülgı etuge bolatynyn atap öttı.
Alaŋnyŋ tört būryşynda 500-ge juyq jas tu köterıp, stadionnan sap tüzep jürıp öttı. Ärbır audan, qala delegasiialary otanşyldyq taqyryptaryn ūran etıp, ädemı bezendırılgen kölıktermen şeru jasap, alaŋnyŋ ajaryn kırgızdı.
5000 adamnyŋ qatysuymen «Qara jorǧa» biı oryndalyp, 300 adam bır mezgılde küi şerttı. Şaraǧa barlyǧy 35 myŋǧa juyq adam qatysty.
Jetısu jastary qai jaǧynan da qamqorlyqtan kende qalǧan emes. Soŋǧy tört jyldan berı oblys ortalyǧynda studentterdıŋ qoǧamdyq kölıkte tegın jüru mäselesı şeşılgen. Būl maqsatqa biyl 138,8 mln.teŋge jūmsaldy. Sonymen qatar jetım jäne jaǧdaiy tömen otbasylarynan şyqqan 349 bala joǧary oqu oryndarynda oblys äkımınıŋ grantymen bılım aluda. Öŋırge jūmys ısteuge kelgen 295 jas mamanǧa 29,1 mln. teŋge köterme aqy men basqa da kommunaldyq jeŋıldıkter berılgen.
Saǧynyş Namazşamova,
Almaty oblysy
