Almaty qalasy, Alatau audanyna qarasty Alǧabas-6 yqşam audany №182 mektebınde QR Prezidentı künıne orai Qazaq handyǧynyŋ 550 jyldyǧyna arnalǧan teatrlandyrylǧan qoiylym qoidy. T.Jürgenov atyndaǧy Qazaq ūlttyq öner akademiiasynyŋ käsıbi mamandarynyŋ sahnalauymen bolatyn körınıske mektep oquşylary öz qabıletterın körsetuge mümkındık aldy. Qoiylymǧa 7-10 synyp aralyǧyndaǧy oquşylar qatysady. Qoiylym soŋy än men küiden şaşu şaşqan konserttık baǧdarlamamen jalǧasyn tapty. Törtınşı synyp oquşylarynan tūratyn hor änşılerı körermen qauymnyŋ jüregıne jylylyq syilai bıldı.
Almaty qalasynyŋ №182 jalpy bılım beretın mektebınıŋ direktory Şyryngül Zeinullaevanyŋ aituynşa, Kerei men Jänıbek handardan bastau alǧan Qazaq handyǧy kezeŋın sahnalau arqyly jas tolqynnyŋ tarihi tanymyn arttyra otyryp, otanşyldyqqa, ūltyn süier ūlan retınde qalyptastyru közdelgen. «Qazaqtyŋ bailyǧy men darhan dalasy, qazırgı Täuelsızdıgı üşın babalardyŋ qanşalyqty qan men ter tökkenın jastarǧa ūqtyryp, tolqymaly tarihy bar el men jerdıŋ qadır-qasietın tüsındıruge ūmtylys jasaldy» deidı mektep direktory Şyryngül Zeinullaqyzy.
Şaraǧa qatysqan balalardyŋ daiyndyq deŋgeiınıŋ joǧary ekenı bırden körınıp tūrdy. Äsırese, qazaqtyŋ handary men bilerı, ru-taipa kösemderı somdalǧan tarihi qoiylymdary el yqylasyna bölendı. Qoiylym rejisserı, jas ärtıs Azat Myŋbaevtyŋ aituynşa, balalar öz şeberlıkterın kün sanap şyŋdap keledı. «Ärine, mektep sahnasy teatr sahnasyndai türlı kombinasiialyq şeşımder jasauǧa asa qolaily emes. Degenmen, bız bar mümkındıktı paidalanyp, körınıstı barynşa tartymdy etuge tyrysyp baqtyq. Soǧan orai, oquşylar da nanymdy, bar zeiınımen oinady» deidı Azat Myŋbaev. Aita ketu kerek, mektep qabyrǧasynda «Aq jelken» teatry «jelken kötergenıne» köp bola qoimaǧan. Osy şara barysynda «Aq jelkennıŋ» de tūsauy kesılgenın köpşılıkten süiınşılegımız keledı. Atauly şaradaǧy qoiylymdar balalar teatrynyŋ tyraq aldy şyǧarmaşylyq jemısı ekenı öz-özınen tüsınıktı.
Jastardyŋ öner-bılımge ūmtyluy quantarlyq jait. Osynau önerge qūştar jas örenderımızdıŋ el igılıgıne qyzmet eter azamat bolyp öserıne kämıl senım artamyz.
Arman SERIKŪLY
