Jambyl oblysynyŋ 80 jyldyǧyna orai el iglıgıne 80 nysandy paidalanuǧa berılude. Solardyŋ bırı Taraz qalasyndaǧy toqsan päterlı 9 qabatty ekı tūrǧyn üi bolyp otyr.
Taraz qalasyndaǧy Qanyş Sätpaev köşesınde qūrylysy jürıp jatqan «Nūrly taŋ» keşenınıŋ aiaqtalyp, el igılıgıne berıldı. Atalǧan tūrǧyn üidı azamattar «Nūrly jer» jäne «7-20-25» baǧdarlamasy boiynşa alyp otyr.
Oblys äkımınıŋ bırınşı orynbasary Bekbolat Orynbekov päter kıltterın saltanatty türde tabystap, quanyş ielerın qūttyqtady.
«Bügın qalamyzdyŋ 44 otbasy jaŋa üidegı öz päterlerınıŋ tabaldyryǧyn attap otyr. Tūrǧyndardy tūrǧyn üimen qamtamasyz etu – memleket saiasatynyŋ negızı. Sondyqtan Memleket basşysy Qasym-Jomart Toqaevtyŋ tapsyrmasyn nazarǧa ala otyryp, jyl basynan berı öŋırımızde 10 köppäterlı tūrǧyn üi paidalanuǧa berıldı. Al jaŋa jylǧa deiın oblys ortalyǧynyŋ jaŋa 15-şı şaǧyn audanynda taǧy tört bırdei arendalyq jäne üş nesielık üi paidalanuǧa berıledı. Az qamtamasyz etılgen, köpbalaly otbasylar da nazardan tys qalmaidy. Olar üşın «Baqytty otbasy» baǧdarlamasy jūmys ıstep tūr. Onyŋ şeŋberınde kezekte tūrǧandarǧa 146 päterdıŋ kıltı berıldı. Sondai-aq, «Arai» jäne «Qarasu» alqaptarynda 360 päterlık segız jataqhananyŋ qūrylysyn aiaqtau josparlanuda. Özderıŋız körıp otyrǧanymyzdai, tūrǧyn üi mäselesı uaqytyly jäne sapaly şeşılıp keledı, – dedı Bekbolat Orynbekov.
Erekşe ülgıdegı toǧyz qabatty monolittı üiler Taraz memlekettık universitetınıŋ «Gidro» keşenımen körşıles ornalasqan. Saltanatty türde kılt tabystau räsımınde qūrylysy aiaqtalǧan ekı toǧyz qabatty üige tūrǧyndar qonystandy. Solardyŋ bırı Gülsara Balkenova öz quanyşymen bölıstı.
«Äu basta üi alatyn kezde qalanyŋ ekologiialyq taza audanynan pter ızdedık. Sondai-aq qauıpsızdık mäselesıne nazar audardyq. Körıp otyrǧandaryŋyzdai, tūrǧyn üi keşenınıŋ ainalasy tolyqtai qorşalǧan. Būl äsırese bız siiaqty köpbalaly otbasylar üşın öte qolaily. Sonymen qatar aulada tūrǧyndardyŋ yŋǧailylyǧy üşın oiyn alaŋdary, demaluǧa arnalǧan jasyl jelektı aumaqtar bar. Eŋ bastysy tūrǧyn üi keşenınıŋ maŋynda orta mektep pen «Daryn» mektebı ornalasqan. Aldaǧy uaqytta jaŋa nysannyŋ aumaǧyna 150 oryndyq balabaqşa salu josparlanyp otyr bır sözben aitqanda öte quanyştymyz», – deidı ol.
Atalmyş köpqabatty tūrǧyn üi qūrylysyn «Taraz qūrylys dizain» kompaniiasy qūrylys jūmystaryn bır jyl ışınde aiaqtaǧan.
«ADYRNA»
ūlttyq portaly
