Bügın Mäjılıs deputaty Berık Düisembinov elımızde jūmyssyzdyq joq ekenın, tek būl salanyŋ tiımsız basqarylyp otyrǧanyn aitty. QR Premer-Ministrı A.Ū.Maminge joldaǧan deputattyq saualynda ol elımızge zaŋsyz kelıp jatqan migranttardyŋ sany jūmyssyzdardyŋ sanynan asyp otyrǧanyn eskerdı.
Qazaqstan Respublikasynyŋ eŋbek ministrlıgı kelesı jylǧa şeteldık jūmys küşın tartu kvotalaryn josparlai otyryp, osy kvotany ekı ese qysqartatyndyǧyn jariialady. Ministrdıŋ aituynşa, būl şaralar eldıŋ ışkı eŋbek naryǧyn qorǧau maqsatynda jasalyp otyr.
Sonymen qatar, 2019 jyly şeteldık jūmys küşın şaqyru kvotasy 49 myŋ adamdy qūraǧan. Bıraq, 2019 jyldyŋ 1 qazanyndaǧy aqparat boiynşa Qazaqstanda şeteldık jūmys küşın şaqyruǧa berılgen rūqsattardyŋ resmi sany 21 myŋǧa da jetpeidı.
Resmi mälımetterge säikes, Qazaqstanda şeteldık jūmys küşın şaqyruşy 2396 jūmys beruşı käsıporyndar tırkelıptı.
Alaida, resmi statistika men Qazaqstanǧa kelıp, nan tauyp jürgen şeteldık jūmysşylardyŋ naqty sanynyŋ aiyrmaşylyǧy jer men köktei ekendıgı bärımızge mälım.
Mysaly, Köşı-qon komitetınıŋ mälımetterıne säikes, 2018 jyly Qazaqstanǧa Özbekstan men Täjıkstannan 551 myŋ eŋbek migranttary kelse, 2019 jyly būl körsetkış 600 myŋnan asady dep boljanyp otyr.
Bıraq, būl migranttardyŋ sany Eŋbek ministrlıgınıŋ şeteldık jūmys küşı kvotasy boiynşa esebınde eskerılmeidı. Sondai-aq, şetel azamattarynyŋ Qazaqstannan syrtqa qanşa qarjy şyǧarǧandary jönınde de eşbır resmi aqparat joq.
Joǧaryda keltırılgen eŋbek migranttarynyŋ sanyna salyp eseptesek, şetel asqan qarajat kölemı milliardtap esepteledı,al būl qarjy Qazaqstan azamattarynyŋ jalaqysy bolyp elımızdıŋ ekonomikasynda qalar edı.
Sonymen qatar, Statistika komitetınıŋ mälımetterıne säikes, el ışındegı jasyryn jūmyssyzdyqty eseptemegende, jūmyssyz azamattardyŋ sany 440 myŋ adamnan asqan.
«Būndai jaǧdai, uäkılettı memlekettık organdar tarapynan eŋbek naryǧynyŋ ahualyna jetkılıksız köŋıl audarǧanynan tuyndap otyr dep esepteimız. Özımızdıŋ 440 myŋ azamatymyz jūmyssyz otyrǧanda, myŋdaǧan şeteldık eŋbek migranttary olardyŋ ornyn basyp otyr» - dedı «Aq jol» fraksiiasynyŋ deputaty B.Düisembinov.
Osyǧan bailanysty Ükımetten:
- Memlekettık organdarǧa, şeteldık jūmys küşın şaqyru boiynşa resmi esepterınde eŋbek migranttarynyŋ naqty sanyn eskerulerın tapsyruyn;
- Şeteldık eŋbek migranttary Qazaqstannan şyǧarǧan qarajat kölemı turaly tolyq aqparat beruıŋızdı ötınedı, sebebı būl jalaqyny qazaqstandyqtardyŋ özderı alyp, şetelge şyǧarmai el ekonomikasyna qūiuy tiıs edı.
- Qarapaiym azamattardyŋ jalaqysyn köteru maqsatynda, şaǧyn jäne orta biznestıŋ eŋbek aqy qoryna salynatyn jüktemenı azaitu men basqa stimuldardy qarastyruyn sūrady.
"Adyrna" ūlttyq portaly
