Jambyl oblysynda köpbalaly jäne az qamtylǧan otbasylardy tūrǧyn üimen qamtamasyz etu qarqyndy türde jürgızılıp jatyr. Osyndai bır quanyşty jaŋalyq oblysqa qarasty Jaŋatas qalasynda boldy.
QR Täuelsızdık künı men Jambyl oblysynyŋ 80 jyldyq mereitoiyna orai Jaŋatas qalasynda 120 päterlı köpqabatty tūrǧyn üi paidalanuǧa berıldı.
Sarysu audanynyŋ oratylyǧy Jaŋatas qalasyndaǧy bos tūrǧan köppätterlı üilerdı qalpyna keltıru şararlary jalǧasuda. Būl joly qaladaǧy 1-şaǧyn audandaǧy 120 päterlı №9 köpqabatty üi qalpyna keltırılıp, 120 otbasy baspanaly boldy. Päter kıltterın tabystau saltanatyna audan äkımı Qanatbek Mädıbekov arnaiy qatysty. Ol äleumettık jaǧynan az qorǧalǧan jäne jyldar boiy päter kezegınde tūrǧan otbasylardy baspanamen qamtu basty maqsat bolyp otyrǧanyn jetkızdı.
«Jyl sanap damyp kele jatqan Jaŋatasymyz üşın tūrǧyn üi mäselesı kün tärtıbınen tüsken emes. Osy oraida, jarty ǧasyrlyq tarihy bar qalamyzda memlekettık baǧdarlamalar aiasynda köpqabatty tūrǧyn üiler qaita jaŋǧyrtylyp, pailanuǧa berılude. Jyldan-jylǧa qala tūrǧyndarynyŋ sany köbeiıp, tūrǧyn üi kezegındegıler sany da arta tüsude. Bügıngı taŋda, kommunaldyq menşıktegı tūrǧyn üilerden päter alu kezegınde 2 myŋǧa juyq adam tızımde tūr», - dedı Q.Mädıbek.
Audan basşysy audandaǧy päter kezegı mäselesın şeşu, äsırese jaǧdaiy tömen otbasylary men mümkındıgı şekteulı azamattardy tūrǧyn üimen qamtu üşın barlyq mümkındıkter qarastyrylyp jatqanyn aitty. Biylǧy jyldyŋ özınde üş üi paidalanuǧa berılıptı. Qanatbek Mädıbek audan tūrǧyndaryn aituly merekemen qūttyqtap, belgılengen qūrylys jūmystaryn sapaly atqaryp, el igılıgıne ūsyna bılgen «Aqorda korporasiiasy» ūjymyna jäne jalpy atsalysqan barşa azamattarǧa alǧysyn bıldırdı.
Jaŋa qonysqa kırgen köpbalaly analar quanyştaryn jasyra almai analarǧa erekşe köŋıl bölgen audan, oblys basşysyna degen alǧystaryn jetkızdı.
Täuelsızdık eleŋ-alaŋynda tūrǧyndary jappai köşıp, qaŋyrap qalǧan qala qaitadan tülep jatyr. Būǧan qalada jaŋadan jūmys oryndary aşylyp, tūrǧyndarǧa qolaidy jaǧdai jasalǧany airyqşa äser etıp jatyr.
«ADYRNA»
ūlttyq portaly
