Jambyl oblysynda «Eŋbek» baǧdarlamasy arqyly ekı qolǧa bır kürek tauyp, eŋbek etıp jatqan azamattar barşylyq. Sonymen qatar öŋırde şaǧyn biznespen ainalysuşy jastardyŋ da sany artyp keledı.
Moiynqūm audanynda jaŋa jūmys oryndaryn aşyp, şaǧyn biznestı damytuǧa üles qosyp jatqan jastardyŋ qarasy qalyŋ. Bırı startap jobalardy jüzege asyryp jatsa, endı bırı qaitarymsyz granttarǧa qol jetkızude. Solardyŋ qatarynda Nazgül Aidaş pen Alua Orynbek bar. Olar «Bastau Biznes» jobasy aiasynda berıletın qaitarymsyz grantqa ie bolyp şaştaraz ben sūlulyq salonyn aşypty. Baǧdarlama aiasynda berılgen 505 myŋ teŋge qaitarymsyz grantqa ie bolǧan qyzdar atalǧan qarjyǧa qajettı qūral-jabdyqtardy alǧan.
«Biznespen ainalysudy jas kezımnen armandaitynmyn. Alǧaşynda şaş qyrqu syndy qyzmetterdı üidı üige baryp körsettım. Balamen üide otyrǧanda arnaiy kurstarǧa qatystym. Qazır eŋbegımnıŋ jemısın körıp oltyrmyn. Qaitarymsyz grant alyp biznesım örkendei bastady, - deidı jas käsıpker
Al Alua Orynbek aşqan sūlulyq salony köpsalaly qyzmet körsetedı. Mūnda qyz kelınşekter şaş sändeu, boianu, massaj aluǧa keledı.
«Moiynqūm şalǧai jatqan audan bolsa da şaǧyn biznes nysandary köbeiıp keledı. Äsırese halyqqa kündelıktı qajet tūrmystyq dükender men sūlulyq salondaryn aşu ürdıske ainaldy. Men de «Atameken» käsıpkerlık palatasy ūiymdastyrǧan kursqa qatysyp bılımımdı jetıldırdım. Biyl grantqa qol jetkızıp käsıpkerlıkpen ainalysa bastadym. Jastar jylynda jastarǧa ülken kömekter körsetılıp jatyr, - deidı Alua.
Moiynqūm audanynda «Eŋbek» baǧdarlamasynyŋ ekınşı baǧyty sanalatyn jappai käsıpkerlıktı damytu boiynşa nesie alǧandardyŋ bırı Bekejan Mamyşev. Ol 6- paiyzben 3 million teŋgege qol jetkızıptı. Oǧan endı 8 bas jylqy satyp alǧan.
«Baǧdarlamanyŋ tiımdı tūstary öte köp. Men jylqy basyn köbeitıp bolaşaqta qymyz öndırsem dep otyrmyn, - deidı Bekjan Mamyşev.
Bügıngı taŋda Moiynqūm audany boiynşa 95- adam qysqa merzımdı käsıptık oqytu kurstaryna joldanǧan. Olar traktor jürgızuşısı, şaştaraz, aspazşy sekıldı mamandyqtardy tegın oqidy. Al, jastar jylynda öŋırdegı jas käsıpkerlerdıŋ jobalaryn qoldau jūmystary jalǧasa beredı.
«ADYRNA»
ūlttyq portaly
