Jambyldyqtar memlekettık baǧdarlamanyŋ paidasyn körude

Jambyl oblysynyŋ äkımdıgı oblystyq käsıpkerler palatasymen bırlese jastar käsıpkerlıgın qoldau maqsatynda josparly jūmys jürgızude. Būl turaly oblys äkımınıŋ orynbasary Sūluşaş Qūrmanbekova Öŋırlık kommunikasiialar qyzmetınıŋ aqparat alaŋynda ötkızgen baspasöz konferensiiasynda mälımdedı. Atalǧan jūmystar aiasynda bırqatar nätijege qol jetkızılgen. Mäselenr, üstımızdegı jyldyŋ 15 mamyry men 3 şıldesı aralyǧynda «Biznes – bastau» jobasymen 437 jas käsıpkerlık negızıne oqytylyp, 50 jas  230,8 million teŋge kölemınde şaǧyn nesie alǧan. Al «Biznestıŋ jol kartasy – 2020» memlekettık baǧdarlamasy aiasynda jastardyŋ jaŋa biznes ideialaryn ıske asyru üşın 3 million teŋgege deiın memlekettık grant beruge oblystyq biudjetten 303 million teŋge, respublikalyq biudjetten 21 million teŋge, barlyǧy 324 million teŋge qarjy bölındı. Atalǧan grant boiynşa aǧymdaǧy jyldyŋ 1 men 12 şıldesı aralyǧynda konkurs ötkızılıp, audandar men Taraz qalasynan ūsynylǧan 466 jastyŋ jobalary qaraldy. Komissiia şeşımımen 158 jasqa grant bölındı. Sonymen qatar, jastar jylyna orai «Nätijelı jūmyspen qamtudy jäne jappai käsıpkerlıktı damytudyŋ 2017-2021 jyldarǧa arnalǧan «Eŋbek» memlekettık baǧdarlamasy» şeŋberınde jaŋa biznes ideialardy damytuǧa respublikalyq biudjetten 200 ailyq eseptık körsetkış mölşerınde 329 jasqa qaitarymsyz grant retınde 166,1 mln. teŋge qarjy bölındı. Bügıngı künge deiın 88 jas 44,4 million teŋgege grant alyp, aldaǧy uaqytta osy maqsatqa 800 jasqa 404 million teŋge kölemınde qosymşa qarjy bölınbek. Osy jyldyŋ 24 şıldesınde «Atameken» käsıpkerler palatasy arqyly «Jas käsıpker» jobasy aiasynda tūraqty jūmys orny joq jastar üşın qysqa merzımdı 1 ailyq kurs bastalyp, 450 jas oqytyluda. Kursty bıtırıp, öz ısın aşam degen jastarǧa «Atameken» käsıpkerler palatasy arqyly jeŋıldetılgen kredit nemese memlekettık grant aluǧa mümkındıkter bar. Sondai-aq, jastar arasynda auyl şaruaşylyǧyn da nasihattau közdelıp otyr. Būl maqsatta oblys äkımdıgı jürgızıp jatqan jeke qosalqy şaruaşylyqtardy damytu jobasy öz septıgın tigızbek. Atalǧan joba nätijesınde jastardyŋ käsıpkerlıgı edäuır alǧa basyp, olardyŋ jūmyssyzdyq saldarynan auyldan qalaǧa köşuı de qysqarmaq. Būl öz kezegınde jeke aulalarda öndırıletın halyq tūtynatyn tauarlardy satu mäselelerın de şeşetın bolady.   «ADYRNA» ūlttyq portaly