Qostanai oblysyndaǧy qylmystyq ıster jönındegı mamandandyrylǧan audanaralyq sotta Qamysty audanynyŋ 49 jastaǧy tūrǧyny Larisa Puriktıŋ ısıne qatysty otyrys öttı
Qostanai oblysynda Altynsarin auylynyŋ tūrǧyny Anatolii Tihonenkonyŋ ölımıne qatysty sot ükımı şyqty, dep habarlaidy Alau.kz portaly.
49 jastaǧy Larisa Purik Altynsarin auylynda nauqas äkesı Anatolii Tihonenkomen bırge tūrǧan.
Larisa psihikalyq auruyna bailanysty ekınşı toptaǧy mügedek esebınde bolǧan. Soǧan qaramastan Purik äkesıne kütım jasap jürıptı. Alaida osy jyldyŋ 12 mamyrynda Tihonenko qaitys boldy.
Keiın osy auylda tūratyn Tihonenkonyŋ ekı qyzy üige kelıp, oqiǧa ornyna jergılıktı uchaskelık inspektor men medisinalyq qyzmetkerdı şaqyrǧan.
"Tuystary onyŋ özı ajal qūşqanyn aitqan. Soǧan qaramastan özderı oqiǧa ornyna jedel-tergeu tobyn şaqyrypty. Al top Anatolii Tihonenkonyŋ denesın audandaǧy mäiıthanaǧa jıbergen. Mäiıttı tekseru barysynda oǧan oq tigenı anyqtaldy", - deidı sudia Altynai Saǧyndyqova sot otyrysy barysynda.
Tergeu mälımetıne säikes, Anatolii Tihonenko ölı küiınde tabylǧan kezde onyŋ üstınde kiımı bolǧan ärı denesınde qan ızderı körınbeptı. Tek mäiıthanada onyŋ keudesınen plastyr anyqtalǧan. Ony alǧan kezde tūrǧynǧa oq tigenı belgılı bolǧan. Oq er adamnyŋ ökpesı men jüregın tesıp ötıptı.
Alaida polisiia üiden qaru tappady. Tärtıp saqşylary küdıktılerdı bırınşı ret tergegen soŋ "Adam öltıru" baby boiynşa qylmystyq ıs qozǧady.
"Uchaskelık inspektor, tergeuşınıŋ bergen mälımetıne säikes, Larisa Purik alǧaşqy tergeu barysynda tuǧan äkesıne oq atqanyn aitqan. Sebebı äkesı qyzyna ötınış jasapty", - deidı sudia.
Soŋǧy uaqytta Tihonenko qatty auyryp, jany qinalǧan. Tıptı, ol bırneşe ret öz-özıne qol salǧysy keletının aitqan. Sot otyrysynda ol özınıŋ būl oiyn psihikalyq auruǧa şaldyqqan qyzyna aityp, odan kömek sūraǧany belgılı boldy.
Almaty oblysyndaǧy arnaiy ortalyq jürgızgen psihiatriialyq saraptama qorytyndysyna säikes, Larisa Puriktıŋ psihikalyq dertke şaldyqqany anyqtaldy. Qazır ol osy medisinalyq mekemede em qabyldap jatyr.
"Sot küdıktınıŋ QR qylmystyq kodeksınıŋ 99-baby, 1-tarmaǧy ("Adam öltıru") boiynşa zaŋǧa qaişy ärekettı essızdık jaǧdaiynda jasaǧany turaly ükım şyǧardy. Sol sebepten Larisa Purik qylmystyq jauapkerşılıkten bosatylsyn", - delıngen sot ükımınde.
Alaida küdıktı qoǧamǧa qauıp töndıretındıkten respublikalyq psihiatriialyq auruhanada intensivtı türde em qabyldauǧa mındetteldı. Larisa Puriktıŋ tuystary sot ükımımen kelıspeidı, olar sot ükımıne şaǧym tüsırmekşı. Sebebı sotqa deiıngı tergeu barysynda qatelıkterge jol berılıptı.
