NUR-SULTAN. QazAqparat - QR Memlekettik qyzmet isteri agenttiginiń tóraǵasy Anar Jaıylǵanova Prezıdenttik jastar kadr rezervine engen qazaqstandyqtar týraly aıtyp berdi, dep habarlaıdy QazAqparat tilshisi.
«Memleket Basshysy Qasym-Jomart Toqaevtyń «Igilik barshaǵa! Sabaqtastyq. Ádildik. Órleý» saılaýaldy baǵdarlamasynda agenttiktiń aldyna Prezıdenttik jastar kadr rezervin qalyptastyrý mindeti qoıyldy. Búgin biz Prezıdenttik jastar kadr rezervine irikteýdiń aıaqtalǵanyn qýanyshpen habarlaımyz», - dedi Anar Jaıylǵanova QR Prezıdenti janyndaǵy Ortalyq kommýnıkaııalar qyzmetinde ótken baspasóz máslıhatynda.
Prezıdent bastamasyna alǵashynda 13 myńnan astam qazaqstandyq qatysýǵa nıet bildirgen edi. Qatysýshylarǵa otyz bes jastan aspaǵan, joǵary bilimi jəne bes jyldan kem emes eńbek ótili bar Qazaqstan Respýblıkasynyń azamaty bolýy tıis degen talaptar qoıyldy.
Qoıylǵan talaptarǵa sáıkes iriktelgen 300 rezervshiniń barlyǵy 6 kezeńnen turatyn qatań irikteýden ótti.
«Jeńimpazdar arasynda jeke sektordyń 106 ókili, kvazımemlekettik sektordyń 98 qyzmetkeri jáne 96 memlekettik qyzmetker bar. Kandıdattardyń 58% aldyńǵy qatarly sheteldik bilimi bar, 42% - qazaqstandyq JOO túlekteri. 6 adam ǵylym doktory, 204 adam - magıstr dárejesine ıe», - dedi Anar Jaıylǵanova.
Irikteý jeńimpazdarynyń ortasha jasy 31-di qurady. Sonymen birge, rezervshiler ekonomıkanyń túrli salalarynda aıtarlyqtaı tájirıbege ıe. Olardyń kópshiligi ekonomıkanyń túrli salalarynda iri sheteldik jáne transulttyq kompanııalarda jumys istegen nemese áli de jumys isteıdi.
«Rezerv irikteýine shetelde júrgen qazaqstandyqtar da belsene qatysty. Qatysýshylar elimizdiń barlyq aımaqtarynan, sondaı-aq jaqyn jáne alys shetelderden (Ázerbaıjan, Ulybrıtanııa, Germanııa, Reseı, Túrkııa jáne Franııa) keldi. Óńirler arasynda úmitkerlerdiń eń kóbi Almaty (46), Qaraǵandy (41) jáne Shyǵys Qazaqstan oblysynan (30) keldi», - dedi agenttik basshysy.
Ulttyq komıssııanyń qaraýyna tańdalǵan úmitkerler qataryna túrli ult ókilderi bar, sonyń ishinde qazaqtar, orystar, ázerbaıjandar, armıandar, nemister jáne tatarlar bar.
Aıta keteıik, Prezıdenttik jastar kadr rezervine engen 300 úzdik qazaqstandyqtar tizimin resmı saıttan kórýge bolady.
