Jambyl oblysynyŋ 80 jyldyǧyna arnalyp aşylǧan ruhani nysandardyŋ köşın A.Toqpanovtyŋ eskertkışı bastady. Oblystyq qazaq drama teatrynyŋ negızın qalap, ondaǧy şyǧarmaşylyq ūjymynyŋ käsıbi bılıktılıgın jetıldıruge öz qoltaŋbasyn qaldyrǧan rejisserdıŋ müsını öner ordasynyŋ aldyna qoiyldy.
Eskertkıştıŋ lentasyn KSRO jäne Qazaqstannyŋ Halyq ärtısı, Qazaqstannyŋ Eŋbek Erı Asanälı Äşımov pen Qazaqstan Teatr qairatkerlerı odaǧynyŋ töraǧasy, Asqar Toqpanovtyŋ şäkırtı, Qazaqstannyŋ Halyq ärtısı Tūŋǧyşbai Jamanqūlov qidy. Olar tūlǧa turaly estı estelıkterı men taǧylymdy oilaryn ortaǧa salyp, A.Toqpanovtyŋ eskertkışınıŋ oblystyq teatr aldynan aşylyp otyrǧanyn öte oryndy şeşım bolǧanyn basa aitty.
Sondai-aq şara barysynda A.Toqpanovtyŋ ömırı men şyǧarmaşylyǧy jönındegı «Toqpanov tūlǧasy» atty estelık kıtaptyŋ tūsaukeser räsımı öttı. Qonaqtar üşın A.Toqpanovtyŋ qyzmet joly, eŋbekterı, nagradalary, şäkırtterı jaily fotostend ūiymdastyrylyp, tūlǧa turaly derektı film körsetıldı.
Aita keteiık, bügınde Jambyl oblystyq qazaq drama teatryna qazaqtyŋ tūŋǧyş käsıbi rejisserı, halyq ärtısı Asqar Toqpanovtyŋ esımın beru boiynşa tiıstı jūmystar jürgızılude. Respublikalyq onomastikalyq komissiiadan qoldau tapqan būl ūsynys boiynşa qazır Ükımet qaulysynyŋ jobasy daiyndaluda.
Oblys teatryna tūlǧanyŋ esımın beru - önersüier qauymnyŋ köpten bergı arman-tılegı bolatyn. Öitkenı qazaq önerınıŋ damuyna ölşeusız üles qosqan tūlǧa öz eŋbek jolynda Jambyl oblystyq qazaq teatrynda da eleulı eŋbek etken. Köptegen qoiylymdar sahnalap, şäkırtter tärbielegen.
Būl ūsynysty osydan 10-15 jyl būryn Asanälı Äşımov, Säbit Orazbaev, Tūŋǧyşbai Jamanqūlov sekıldı teatr saŋlaqtary köterıp, ūsynys hat jazǧanymen, jauapsyz qalǧan edı. Oblys äkımı Asqar İsabekūly osy mäselenı Ükımet, Mädeniet ministrlıgı deŋgeiınde köterıp, igı bastama öz şeşımın tabuda.
A. Toqpanov esımı būǧan deiın elımızde eşqandai teatr men öner ūjymyna berılmegen. Al 1936 jyly qūrylǧan oblystyq qazaq drama teatry osy jyldar boiy bırde-bır tūlǧanyŋ atymen atalmaǧan. Osy tūrǧydan alǧanda būl bastama köpşılıkten zor qoldau tabuda.
Teatr rejisserınıŋ müsının belgılı müsınşı Momyş Sūltan jasap şyqty. Onyŋ qūrylysyna tanymal mesenat «Super pharm» jauapkerşılıgı şekteulı serıktestıgınıŋ direktory Qairat Qaimoldaev demeuşılık etken.
«ADYRNA»
ūlttyq portaly
