Qytai soty otandasymyz Aqjarqyn Tūrlybaiǧa qatysty sot şeşımın özgerıssız qaldyrdy, dep habarlaidy
Sputnik Qazaqstan syrtqy ıster ministrlıgınıŋ baspasöz qyzmetıne sılteme jasap.
Vedomstvonyŋ aqparatynşa, bügın Qytaidyŋ Guanchjou sotynda esırtkı tasymaldaǧany üşın aiyptalǧan Qazaqstan azamaty Aqjarqyn Tūrlybaiǧa qatysty sot ükımı şyqty.
"Qytai soty ömır boiy bas bostandyǧynan aiyru turaly ükımdı özgerıssız qaldyrdy", - delıngen habarlamada.
Ükım 10 künnen soŋ küşıne enedı.
Sot otyrysyna advokattar men Qazaqstannyŋ Qytaidaǧy elşılıgınıŋ konsuly qatysqan.
Aqjarqyn Tūrlybaidyŋ taǧdyry
Qazaqstan azamaty Aqjarqyn Tūrlybai 2014 jyly nauryzda Guanchjou äuejaiynda ūstalǧan bolatyn. Oǧan şekaradan 4,5 kelı esırtkını alyp ötpek boldy degen aiyp taǧyldy. Ol kezde otandasymyz 20 jasta bolǧan edı. 2015 jyldyŋ mausymynda Qytai soty ony ömır boiyna bas bostandyǧynan aiyrdy. Sotta Aqjarqyn şeteldık dosy aldap ketkenın aityp, kınäsın moiyndaǧan joq.
2016 jyly sot şeşımı joiylyp, ıs qaita qarauǧa jıberıldı.
Osy jyldyŋ qyrküiegınde Tūrlybaidyŋ anasy Zuhra Seitımova Qazaqstan prezidentıne kömek sūrap hat jazdy. Artynşa Qasym-Jomart Toqaev Qytaiǧa sapary kezınde Aqjarqyn Tūrlybaidyŋ mäselesın kötergen bolatyn.
Aqjarqyn türmede nemen ainalysady
Qazaqstannyŋ Qytaidaǧy elşılıgınıŋ mälımetıne süiensek, Tūrlybai qasyndaǧy sottalǧandarǧa aǧylşyn tılın üiretıp jür. Sonymen qatar, körkem ädebiet oqidy, dene şynyqtyrumen de ainalysady. Qytai tılın jaqsy meŋgerıp alǧan.
