Qūrmettı Qazaqstan Respublikasynyŋ Mädeniet jäne sport ministrı Aqtoty Rahmetollaqyzy!
«Menıŋ «Halyq ünıne qūlaq asatyn memleket» atty tūjyrymdamam däl osy ädılettı qoǧam ideiasyn damytu maqsatymen ūsynyldy. Bilık pen qoǧam arasyndaǧy syndarly dialog memleketke degen senımdı nyǧaita tüsedı. Ükımet müşelerı, sonyŋ ışınde ministrler men äkımder memlekettık jäne qoǧamdyq maŋyzy bar mäselelerge qatysty şeşım qabyldaǧan kezde azamattardyŋ ūsynystary men tılekterın eskeruı kerek. Mūny Abai meŋzegen ädılettı qoǧam qalyptastyrudyŋ bırden-bır şarty dep bılemın.
Ūly aqyn «Kelelı keŋes joǧaldy, El sybyrdy qolǧa aldy» degendı beker aitqan joq.» dep Prezidentımız Qasym-Jomart Kemelūly özınıŋ «Abai jäne HHI ǧasyrdaǧy Qazaqstan» atty özektı de önegelı maqalasynda anyqtap aitqanyndai, men Sızdı memlekettık jäne qoǧamdyq maŋyzy bar mäselelerge qatysty şeşım qabyldaǧan kezde menıŋ ūsynystarym men tılekterımdı eskeruge şaqyramyn. Būl tek bırınşı ūsynys.
«Kelelı keŋes joǧaldy, El sybyrdy qolǧa aldy» dep Abai aitqandai, el arasynda bır «sybyrdyŋ» bar ekenın bılesız. Sız sol «sybyrdy» toqtatyp, nükte qoisaŋyz. Qazaqstan teatr qairatkerlerı odaǧymen qatar Qazaqstan teatrlar assosiasiiasy ne üşın qajet ekendıgın qazaqstandyq teatraldar tüsınbei otyr. Būl bır salanyŋ mamandaryn ekıge bölıp, yntymaǧyn ydyratuşylyq emes pe? Onyŋ üstıne bır memlekette bır teatr salasyna qatysty ekı ūiymnyŋ boluynan bız memleket retınde ne ūtpaqpyz? Bırde-bır memlekettıŋ täjıribesınde būndai ekı jaqqa bölınuşılık degen atymen joq. Sonymen qatar, būlai bır teatr salasyn ekıge bölu arqyly memleket qarjysyn maǧynasyz jaratuǧa, ysyrapşyldyqqa jol berılıp otyrǧan joq pa? Ükımet qarajatyn ünemdep jūmsap, kerısınşe, teatr qairatkerlerın jarastyratyn jobalardy jasap kele jatqan tarihy tereŋ, täjıribesı mol bır ǧana Qazaqstan teatr qairatkerlerı odaǧyn qaldyru kerek dep esepteimın. Qazaqstannyŋ halyq artisı, memlekettık syilyqtyŋ laureaty, önertanu kandidaty, professor Tūŋǧyşbai Qadyrūly 2009 jyldyŋ qazan aiynan bastap töraǧa bolyp tabylatyn Qazaqstannyŋ teatr qairatkerlerı odaǧyna Respublikamyzdyŋ barlyq teatrlary bırauyzdan müşelıkke qaita ötulerı kerek dep oilaimyn.
Eger Sız menıŋ osy ūsynys-tılegımdı qabyl alsaŋyz, qazaqstandyq teatraldardyŋ basym bölıgınıŋ alǧystaryna bölenıp, būrynǧy ministr Arystanbek Mūhamediūly kezeŋınde oryn alǧan jaǧdaiǧa köz jūma qaramai, ädılettı qoǧam qalyptastyruǧa üles qosqan bolyp sanalar edıŋız. Sol kezde Arystanbek Mūhamediūlynyŋ jolyn jalǧastyruşy emes ekendıgıŋızdı, teatrdyŋ janaşyry ekendıgıŋızdı dälelder edıŋız. Älde, Sız de Qazaqstan teatrlar assosiasiiasynyŋ vise-prezidentı Ashat Maemirov sekıldı Arystanbek Mūhamediūlyna adal jaqyn dos, senımdı serık, müddeles pe edıŋız?
«Qazaqstan teatrlar assosiasiiasy» ūiymdastyryp kele jatqan ««Sahnager» ūlttyq teatr syilyǧy» taqyrybyndaǧy jüldenı oilap tabudyŋ ne keregı boldy eken nemese kımge keregı boldy eken? Arystanbek Mūhamediūlyna auadai qajet bolǧan bastamaǧa ūqsaidy. Tūŋǧyşbai Jamanqūlovty jyǧu üşın be? Qazaqstan teatr qairatkerlerı odaǧy ūiymdastyruyndaǧy «Eŋlıkgül» dep atalatyn keremet esımdı iemdengen salmaqty syilyq bar emes pe edı? Sol syilyqty qaitaru kerek dep sanaimyn. Sebebı, «Sahnager» syilyǧyn ülestıru üderısınde de teatraldardy alalauşylyq bar sekıldı körınbeidı me Sızge? Syilyqqa ūsynyluşylar men ie boluşylardyŋ köbı Qazaqstan teatrlar assosiasiiasynyŋ vise-prezidentı Ashat Maemirovtyŋ ǧana jaqyndary, şäkırtterı jäne müddelesterı. Sonda Ashat Maemirovpen bırge bır dastarqanda basy bırıkpegender men bır assosiasiia qūramy qataryna kırmegenderdıŋ jaiy ne bolmaq? Būl ministrlık imidjıne kerı äser etpei me? Talanttar tūnşyǧyp jatqan joq pa? Memleket imidjın tömendetetın tırlık emes pe? Meritokratiialyq qaǧidalarǧa qaişy qylyq emes pe?
Osy jazǧan ūsynysymmen kelısetınderden laik basudy, bölısudı nemese "qoldaimyn" dep jazba qaldyrudy ötınemın!
Qūrmetpen Baltabek NŪRǦALİEV
