Bala kezımde Hakan Şükır men Hacan Şaştardyŋ däuırı jürıp tūrdy. Solardyŋ aty jazylǧan formany kigımız keletın.
Erdoǧandy bırı türkı älemınıŋ batyry sanaidy, endı bırı kerısınşe ūnatpaidy. Türıkterdıŋ özderı de tura osyndai ekıge bölıngen. Aitpaǧym mynau ǧoi.
Äigılı Hakan Şükır Erdoǧannyŋ saiasatynan zardap şektım degenıne bırneşe jyl boldy. Futboldan Türkiia qūramasynyŋ talantty oiynşysy, 2002 jylǧy Älem chempionatynyŋ qola jüldegerı Hakan Şükır bügınde AQŞ-ta uberde taksist bolyp, jan baǧyp jür eken. Älemnıŋ futboldan jarqyn jūldyzyna olai etuıne Erdoǧan jaqtastarynyŋ qudalau saiasaty äser etken.
Bırneşe jyl būryn ol Erdoǧannyŋ partiiasyna müşe bolypty. Bıraq ondaǧy jemqorlyqtyŋ köptıgınen partiiadan öz erkımen şyǧyp, onyŋ jūmysyn synai bastaǧan. Al 2015 jyly Türkiiadaǧy qysymnan keiın mūhit asyp, AQŞ-qa qonys audarǧan. Ony qudalau jalǧasyp, barlyq esepşottary būǧattalǧan. 2016 jyly Hakan Şükırdı gülenşılermen qatysy bar dep aiyptap, oǧan ızdeu jariialanǧan bolatyn.
"Menıŋ jūmys ıstei bastaǧan sebebım mende eşteŋe qalmady. Erdoǧan menen barlyǧyn tartyp aldy. Ol menen täuelsız bolu qūqyǧyn, oi erkındıgın, jūmys jasau qūqyǧyn alyp qoidy. Olar menıŋ äielımnıŋ dükenıne tas laqtyrdy, menıŋ balalaryma köşede qoqan-loqqy jasaldy, men ärbır jasaǧan ündeuımnen keiın qorqytu men ürkıtu äreketterıne tap boldym. Men elden ketkenımde olar menıŋ äkemdı tūtqyndady. Menıŋ osy uaqytqa deiın jinaǧan barlyq mülkımdı tärkıledı. Būl menıŋ otbasyma auyr soqty. Qazır menımen qatynasy bar barlyq jandar ülken qarjylyq daǧdarysta jür", - dedı Hakan "Rekord" basylymyna bergen sūhbatynda. Ol AQŞ-ta aşqan kafesın belgısız bıreuler türtpektep, kedergı jasaǧandyqtan jauyp tastauǧa mäjbür bolypty.
Saiasi oiyndardyŋ qūrbandyǧyna saiasatqa qatysy joq adamdardyŋ şalynǧany qiyn-aq.
Ashat Qasenǧali
"Adyrna" ūlttyq portaly
