Bügın Qazaqstannyŋ nazary ŞQO, Zaisan qalasyna audy. Qytaidaǧy qysymnan qaşqan qos qazaq Qaster Mūsahanūly men Mūrager Älımūlynyŋ sotynyŋ dübırı Altai men Atyrau arasyn teŋselttı. Bauyrymyzdy Qytaiǧa bermeimız, bergızbeimız dep kelgen halyq audandyq sot zalyna syimai qaldy. Osy sot bastalmai tūryp, sotqa kelgen belsendılermen jergılıktı polisiia arasynda sözge kelıspeuşılık bolyp qalyp jatty. Aiadai tar bölmedegı sotqa halyq bärı kırgısı kelgenmen, tuystary men qoǧam belsendılerı, jurnalister ǧana kırgızıldı. Osyǧan bailanysty daladaǧy halyq pen polisiia arasynda tüsınıspreuşılık te oryn aldy. Bas jaryp, qol synǧan eştemesı joq. Sot şeşımıne riza bolǧan halyq sottan keiın sot pen prokurorǧa, polisiiaǧa rizaşylyǧyn bıldırıp, alǧysyn aityp taraǧan bolatyn.
Bıraq, erte quanypty. Qaladan şyǧa berıstegı janar mai qūiu stansasynyŋ qasynda "kerektı adamdaryn" kütıp tūrǧan polisiia, qaryndaşynyŋ ūşyna türtıp alǧan belsendılerdı qamauǧa alypty. Zaisannan 170 şaqyrym ūzap ketken semeilık belsendıler mıngen kölıktı de joldan toqtatyp, ekı adamdy qaitadan Zaisanǧa alyp kele jatyr deidı bızge Zaisannan habarlasqan belsendı. Tolyq aqparattardy qosymşa habarlaityn bolamyz.
Esterıŋızge sala keteiık, bügın Şyǧys Qazaqstan oblysy Zaisan audandyq sotynda "memlekettık şekarany zaŋsyz kesıp öttı" dep aiyptalǧan etnikalyq ekı qazaq Qaster Mūsahanūly men Mūrager Älımūlyna ükım oqyldy. Sudia Ospanova Qaster Mūsahanūly men Mūrager Älımūlyn ärqaisysyn bır jylǧa bas bostandyǧynan aiyryp, jazasyn qauıpsızdıgı tömen mekemede öteitının aitty. Būǧan qosa, olardyŋ ärqaisysyna 25 250 teŋge kölemınde aiyppūl saldy.
Bügıngı sotqa Qaraǧandy, Şymkent, Almaty taǧy basqa aimaqtardan Qaster men Mūragerdı qoldap, köp adam keldı. Sot zalyna syimaǧan halyq ekı azamatty syrtta qoldap tūrdy.
"Adyrna" ūlttyq portaly
