Qytai "koronovirustyŋ oşaǧy" dep esepteitın ekı qalasyn japty. Soŋǧy derek boiynşa, 600-den astam adam virusty jūqtyrǧan. 17 adam köz jūmdy.
23 qaŋtarda Düniejüzılık densaulyq saqtau ūiymy (DDSŪ) Qytaida infeksiianyŋ taraluyna bailanysty densaulyq saqtau salasynda tötenşe jaǧdai jariialaudan bas tartty. DDSŪ-nyŋ basşysy Tedros Adzhnom Gebreiesustyŋ aituynşa, mūndai şeşım qabyldau üşın älı köp derek jinaqtaluy tiıs. Bıraq ol şūǧyl şaqyrylǧan komitet müşelerı arasynda būǧan bailanysty qarama-qaişy pıkır bar ekenın rastady. Jūma künı de talqylau jalǧasady.
Ötken jyldyŋ soŋynda 11 million tūrǧyny bar Qytaidyŋ ortalyq bölıgındegı Uhan qalasynda belgısız virus tabylǧan. 23 qaŋtarda taŋerteŋ qalanyŋ basym bölıgınde qoǧamdyq kölık toqtap, adamdarǧa qaladan ketpeuge būiyrdy.
"11 million adamdy oŋaşalau - densaulyq saqtau salasy tarihynda būryn-soŋdy bolmaǧan närse. DDSŪ būlai jasauǧa keŋes bergen joq" dedı DDSŪ-nyŋ Pekindegı ökılı Gauden Galea.
Beisenbı künı körşı Huangen qalasy da jabyldy. Mūnda şamamen jetı million adam tūrady.
Virustyŋ taraluyna bailanysty Pekinde qytailyq Jaŋa jyldy toilau şarasy şegerıldı. Densaulyq saqtau salasynyŋ ökılderı virus būdan da tez taralyp ketuı mümkın dep qauıptenedı - jaŋa jyl qarsaŋynda jäne mereke künı (25 qaŋtar) jüzdegen adam el aumaǧynda jäne Qytaidan tys jerge saiahattaudy josparlap otyr.
"Azattyq" radiosy
