24 qańtarda úkimettiń keńeıtilgen otyrysynda prezıdent Qasym-Jomart Toqaev sheteldik nómiri bar kólikterdiń máselesin sheshý úshin olardy ýaqytsha tirkeýdi tapsyrdy.
- Úkimet 2020 jyl 1 aqpanǵa deıin Eýrazııa ekonomıkalyq odaǵy aýmaǵynan ákelingen kólikterdi bir aıdyń ishinde bir ret ýaqytsha tirkeýden ótkizýi tıis. Bul tirkeý 2021 jyldyń 1 naýryzyna deıin jaramdy bolady, - dedi Toqaev.
Prezıdent mundaı kóligi bar adamdar 2021 jyldyń 1 naýryzyna deıin kedendik baj salyǵy men ýtılızaııa alymyn tólep, kólikti turaqty tirkeýden ótkizýi qajet nemese kólikti Qazaqstan aýmaǵynan shyǵarýy tıis nemese zańmen tyıym salynbaǵan basqa áreketti júzege asyrýy tıis dedi.
Toqaev buǵan qosa, bas prokýratýraǵa bul máselege quqyqtyq baǵa berýdi tapsyrdy.
Bıyl qańtardyń 14-i kúni ishki ister mınıstrligi "Qazaqstan aýmaǵyna kirgen Armenııa, Qyrǵyzstan, Reseı nómiri bar kólikterdi zańǵa saı tirkeý keregin" málimdegen. Qazaqstan bıliginiń elde armenııalyq, qyrǵyzstandyq jáne reseılik nómirlermen júrgen avtokólikterdi zań jolymen tirkeý týraly talaby keı júrgizýshilerdiń narazylyǵyn týdyrǵan.
