Qytaı Halyq Respýblıkasymen aradaǵy barlyq shekara beketteri jabyldy. Bul týraly KAZ.NUR.KZ portaly májilis depýtaty, Qazaqstan ardagerleri qaýymdastyǵynyń tóraǵasy Baqytbek Smaǵuldyń Facebook jelisindegi paraqshasyna silteme jasap habarlaıdy.
Foto: Getty Images/Xiaolu Chu
"Qytaıdaı alpaýytqa aýyr zulmat keldi. Táńir olarǵa tól "Jańa jyl" merekesin de toılatpaı tastady. Qazirgi kezde shyń elinde turǵyndarynyń sany tutas Qazaqstan halqynan da kóp qalalar karantınge jabylýda. Olarda halyqtyń dúrbeleńge túsip, tamaqqa talasyp, búlinip jatqanyn aqparat quraldary taratýda.
Vırýs Qytaıdan syrtqa shyǵyp ketti. Onymen syrqattanǵandar Gonkong, Taıland, Ońtústik Koreıa, Japonııa, Taıvan, AQSh, Sıngapýr, Vetnamda tirkelgen. Al keıingi jyldary qytaı ınvestıııasyna qushaǵyn ashyp, bul elmen etene bolyp ketken Aýstralııa búginde táj vırýsy taralýy kesirinen týrısterden aıyrylyp jatyr.
Endi qazaqstandyqtar áleýmettik jelilerde Qytaı Halyq Respýblıkasymen aradaǵy shekarany tas bekitý týraly talaptar qoıýda, osyǵan oraı mynany habarlaǵym keledi: Qazaqstan shyǵys kórshiden vırýs elge enbeýi úshin "Qorǵas" shekara mańy yntymaqtastyǵy halyqaralyq ortalyǵyn ýaqytsha japty.
Sonymen qatar, shekarashylarymyz Qytaımen shektesetin memlekettik shekara boıyndaǵy barlyq ótkizý beketterin – "Baqty", "Maıqapshaǵaı", "Dostyq–Alashankoý", "Qaljat" pýnktterin de jaýyp, qymtady.
Memleket halqymyzdy qorǵaý úshin qajetti sharalardy qolǵa alyp otyr.
Eske sala ketsek, ólimge ákeletin koronavırýs Qytaıdyń barlyq provınııalaryna taralǵan. Eldegi naýqastardyń sany 1300-ge jetti, 40-tan astam adam japa shekti.
Buǵan deıin ólim vırýsynyń "otany" bolǵan aspan asty eliniń qalasynda koronavırýsty juqtyrǵan barlyq naýqastar ornalastyrylatyn emhana salý josparlanyp otyrǵany aıtyldy. Medıınalyq mekemeniń qurylysyn 6 kúnde aıaqtaý josparlanǵan", - dedi Baqytbek Smaǵul.
Odan bólek, Qytaıdyń patogendik mıkroorganızmderdi saqtaý ulttyq uıymy koronavırýstyń jańa túrine qatysty aqparat pen onyń elektrondy mıkroskop kómegimen jasalǵan alǵashqy sýretin jarııalady.
Aıta ketý kerek, Qazaqstanda qaýipti ınfekııa oqıǵalary bolǵan joq.
Búgin Toqaev Qytaıdaǵy koronavırýstyń elimizde taralýynyń aldyn alýdy tapsyrdy.
Osyǵan baılanysty Qazaqstannyń premer-mınıstri Asqar Mamın jıyn ótkizdi.
