Saǧyntaev: Almatyda "Sergek" kameralary köp bolady

Almatyda "Sergek" baǧdarlamalyq-qūrylǧy keşenderınıŋ sanyn köbeitudı josparlap otyr, - dep habarlaidy Tengrinews.kz . Būl turaly qala äkımı Baqytjan Saǧyntaev aitty.  Qala basşysynyŋ aituynşa, alǧaşqy 22 künde jaŋa kameralar 4,5 myŋ jol kozǧalysy erejesın būzu derekterın tüsırgen. Saǧyntaevtyŋ aituynşa, osy aralyqta jol-kölık oqiǧasynyŋ sany 12 paiyzǧa tömendegen. Onyŋ aituynşa, ötken jylmen salystyrǧanda qylmys 38 paiyzǧa azaiǧan. "Qoǧamdyq qauıpsızdıktı qamtamasyz etu jūmystary, sonyŋ ışınde joldar men tūrǧyndar köp jinalatyn jerlerde videomonitoring jüiesın keŋınen qoldanu arqyly jalǧasady. Biyl qosymşa 360-tan asa "Sergek" kameralaryn ornatudy josparlap otyrmyz. Jyl saiyn qūqyqtyq tärtıptı būzudy qadaǧalaityn avtomatty beine jüielerınıŋ ülesı ösıp otyratyn bolady", - dedı Saǧyntaev. Qazırgı uaqytta qalada "Sergek" baǧdarlamalyq-qūrylǧy keşenınıŋ 400 jüiesı jūmys ısteidı. Alǧaşqy segız kün ışınde kameralar 42 million teŋgege jol erejesın būzu derekterın anyqtaǧan. Olardyŋ qandai qiylystarda ornalasqany turaly myna jerden bıle alasyz. "Sergek" jyldamdyq rejimın asyru, baǧdarşamnyŋ qyzyl tüsıne ötu, jol belgılerın elemeu, jolaqtardy elemeu, kölık qūraldaryn toqtatu nemese tūraqqa qoiu erejesın būzu, sondai-aq qoǧamdyq kölık jolaǧyna rūqsatsyz kırudı tırkeidı. Polisiia ökılderı aiyppūldardyŋ barlyǧy qala biudjetıne tüsetının atap öttı.